Qazaqstan men Resei COVID-19-ǵa qarsy vaktsinany birlese shyǵarý máselesin pysyqtaýda. Bul týraly QR Densaýlyq saqtaý vitse-ministri - Bas memlekettik sanitar dáriger Erlan Qiiasov aitty, dep habarlaidy QazAqparat.
Aita keterligi, keshe Qazaqstan Prezidenti Qasym-Jomart Toqaev pen Resei Prezidenti Vladimir Pýtin telefon arqyly sóilesken bolatyn. RF Prezidentiniń resmi saity taratqan aqparatqa qaraǵanda, taraptar áńgimelesý barysynda koronavirýs pandemiiasymen kúres, onyń ishinde Qazaqstan aýmaǵynda birlesken vaktsina óndirisin uiymdastyrý jospary talqylanǵan. Al búgin Ortalyq kommýnikatsiialar qyzmetindegi baspasóz máslihaty barysynda BAQ ókilderi vitse-ministrden vaktsina óndirisine qatysty jospar jaiynda suraǵan edi.
«Keshe Memleket basshylary telefon arqyly áńgimelesý barysynda bul máseleni kóterdi. Búgingi kúni bul másele pysyqtalýda. Bul ideia bir kún buryn ǵana týǵan edi. Sondyqtan dál qazir naqty eshteńe aita almaimyn», - dep jaýap berdi Erlan Qiiasov.
Buǵan deiin QR Densaýlyq saqtaý vitse-ministri - Bas memlekettik sanitariialyq dáriger elimiz koronavirýspen kúres úshin satyp alynýy múmkin 3 vaktsinany ataǵan edi.
