قازاقستاننىڭ قىتايداعى ەلشٸسٸ شاحرات نۇرىشەۆ قحر مەدەنيەت جەنە تۋريزم مينيسترٸ حۋ حەپينمەن كەزدەستٸ, دەپ حابارلايدى "ۇلت اقپارات" قر پرەزيدەنتٸ جانىنداعى ورتالىق كوممۋنيكاتسييالار قىزمەتٸنە سٸلتەمە جاساپ.
كەزدەسۋ بارىسىندا تاراپتار مەدەني-گۋمانيتارلىق بايلانىستاردى ودان ەرٸ نىعايتۋ جەنە تۋريزم سالاسىنداعى ىنتىماقتاستىقتى دامىتۋ مەسەلەلەرٸن تالقىلادى.
نۇرىشەۆ جاقىن ارادا قالپىنا كەلەتٸن تۇراقتى ەۋە قاتىناستارى جەنە ادامي بايلانىستاردىڭ بەلسەندٸرٸلۋٸن ەسكەرٸپ, ەكٸجاقتى مەدەني-گۋمانيتارلىق ديالوگتى جانداندىرۋدىڭ قاجەتتٸگٸنە نازار اۋداردى. قازاقستاننىڭ ەلشٸسٸ قر جەنە قحر-دا مەدەني ورتالىقتاردى ٶزارا قۇرۋ بۇل باعىتتاعى ەكٸجاقتى قاتىناستاردىڭ دامۋىنا مىقتى سەرپٸن بەرەتٸنٸن اتاپ ٶتتٸ.
سونىمەن قاتار, ول سۇحباتتاسۋشىنى قازاقستاننىڭ تۋريستٸك مٷمكٸندٸكتەرٸ جەنە قر ٷكٸمەتٸنٸڭ تۋريستٸك سالانى دامىتۋدىڭ 2025 جىلعا دەيٸنگٸ مەملەكەتتٸك باعدارلاماسىن جٷزەگە اسىرۋ بويىنشا شارالارىمەن تانىستىردى. سونداي-اق, ەلشٸ قازاقستاندىق تاراپتىڭ قحر ازاماتتارى ٷشٸن 14 كٷندٸك مەرزٸمگە دەيٸن ۆيزاسىز رەجيم ەنگٸزۋ جٶنٸندەگٸ جوسپارىن ەسكەرٸپ, قر ازاماتتارى ٷشٸن دە ۇقساس جاعداي جاساۋ مەسەلەسٸن كٶتەردٸ.
ٶز كەزەگٸندە, حۋ حەپين قازاقستان مەن قىتاي اراسىنداعى مەدەنيەت جەنە تۋريزم سالاسىنداعى ىنتىماقتاستىقتىڭ زور كەلەشەگٸ بار ەكەنٸن ەرەكشە اتاپ ٶتتٸ. ول جىل سوڭىندا جوسپارلانعان قازاقستان-قىتاي ىنتىماقتاستىق جٶنٸندەگٸ كوميتەتٸنٸڭ مەدەني-گۋمانيتارلىق ىنتىماقتاستىق جٶنٸندەگٸ كٸشٸ كوميتەتٸنٸڭ 15-شٸ وتىرىسى ەكٸ ەل اراسىندا مەدەني-گۋمانيتارلىق بايلانىستاردى نىعايتۋدا ماڭىزدى رٶل اتقاراتىنىنا سەنٸم بٸلدٸردٸ.
سونىمەن بٸرگە قحر مەدەنيەت جەنە تۋريزم مينيسترٸ قازاقستان ٷكٸمەتٸنٸڭ ەلدٸڭ تۋريستٸك ەلەۋەتٸن اشۋ بويىنشا قابىلداپ جاتقان شارالارىن جوعارى باعالادى, سونداي-اق قىتايلىق تاراپتىڭ مەدەنيەت ورتالىقتاردى ٶزارا قۇرۋعا دايىن ەكەنٸن بٸلدٸردٸ.
كەزدەسۋدٸڭ سوڭىندا تاراپتار شىۇ, اٶسشك جەنە «ورتالىق ازييا - قىتاي» مەملەكەت باسشىلارى ونلاين-سامميتٸنٸڭ قورىتىندىلارى بويىنشا ۋاعدالاستىقتاردى ٸسكە اسىرۋ جٶنٸندەگٸ ٸس-قيمىلدار جوسپارى شەڭبەرٸندە مەدەنيەت جەنە تۋريزم سالاسىندا بٸرلەسكەن ٸس-شارالاردى ٶتكٸزۋ مەسەلەلەرٸن قوسا العاندا, قر-دىڭ قحر-داعى ەلشٸلٸگٸ مەن قحر مەدەنيەت جەنە تۋريزم مينيسترلٸگٸ اراسىندا تىعىز بايلانىستاردى ساقتاۋعا كەلٸستٸ.
