فوتو: اقوردا
قاسىم-جومارت توقاەۆ پەن سادىر جاپاروۆتىڭ تٶراعالىعىمەن قازاقستان مەن قىرعىزستان جوعارى مەملەكەتارالىق كەڭەسٸنٸڭ جەتٸنشٸ وتىرىسى ٶتتٸ, دەپ حابارلايدى Ult.kz.
مەملەكەت باسشىسى باۋىرلاس قىرعىز ەلٸنە شاقىرعانى ٷشٸن سادىر جاپاروۆقا العىس ايتىپ, بۇل رەسمي ساپارىنىڭ ماقساتى – قازاق-قىرعىز بايلانىسىن نىعايتىپ, ٶزارا تيٸمدٸ ىنتىماقتاستىقتى كٷشەيتە تٷسۋ ەكەنٸن جەتكٸزدٸ.
– بٸز جوعارى ساياسي ديالوگتىڭ ارقاسىندا ەكٸ ەلدٸڭ ىقپالداستىعىن جاڭا ساپالى دەڭگەيگە كٶتەرەمٸز. مەن بۇعان كەمٸل سەنەمٸن. قاسيەتتٸ الاتاۋدىڭ قوس قىرانى سيياقتى قازاق پەن قىرعىز – ەجەلدەن ەنشٸسٸ بٸر, تاعدىرى ورتاق اعايىندى حالىقتار. قيىن سەتتە بٸر-بٸرٸنە دەمەۋ, قۋانىشتى كٷندە تٸلەۋلەس بولا بٸلگەن ەلدەر. تاريحتىڭ تالاي تەزٸنەن امان ٶتكەن دوستىعىمىز – اتا-بابادان قالعان امانات, ۇرپاقتان ۇرپاققا بەرٸلگەن رۋحاني قازىنا. قازٸر قوس حالىقتىڭ اراسىنداعى قارىم-قاتىناس ٶزارا سەنٸم مەن سىيلاستىققا نەگٸزدەلگەن بەرٸك ەرٸپتەستٸككە ۇلاستى. ەكٸ ەلدٸڭ بايلانىسى وداقتاستىق رۋحىندا دامىپ كەلەدٸ. قىرعىزستان – قازاقستاننىڭ ايماقتاعى باستى ستراتەگييالىق سەرٸكتەسٸنٸڭ بٸرٸ. ەكٸجاقتى ساۋدا-ساتتىق كٶلەمٸ شامامەن 2 ميلليارد دوللارعا جەتتٸ. بۇل كٶرسەتكٸشتٸ ەسەلەۋگە بارلىق مٷمكٸندٸك بار. ينۆەستيتسييالىق ىنتىماقتاستىق جىلدان جىلعا نىعايا تٷسۋدە. سونىڭ ارقاسىندا تٷرلٸ بٸرلەسكەن جوبالار تابىستى جٷزەگە اسىرىلدى. سۋ-ەنەرگەتيكا سالاسىندا ٶزارا ٷيلەسٸمدٸ جۇمىس اتقارىلىپ جاتىر. مەدەني-گۋمانيتارلىق سالاداعى بايلانىسىمىز دا كٷشەيٸپ كەلەدٸ, – دەدٸ قازاقستان پرەزيدەنتٸ.
مەملەكەت باسشىسىنىڭ ايتۋىنشا, ەلٸمٸز قىرعىزستانمەن ىقپالداستىقتى تەرەڭدەتە تٷسۋگە ايرىقشا كٶڭٸل بٶلەدٸ.
– بىلتىر وداقتاستىق قاتىناستاردى كەڭەيتۋ تۋرالى تاريحي شارتقا قول قويدىق. بٷگٸن بٸز ىنتىماقتاستىقتىڭ كەشەندٸ جوسپارىن قابىلدايمىز. وسى ماڭىزدى قادامدار قازاق-قىرعىز بايلانىسىن دامىتۋعا تىڭ سەرپٸن بەرەدٸ دەپ سەنەمٸن. ەكٸ ەلدٸڭ ٷكٸمەتتەرٸ بۇل جوسپاردا كٶرسەتٸلگەن ماقسات-مٸندەتتەردٸ باسشىلىققا الۋعا تيٸس, – دەدٸ قاسىم-جومارت توقاەۆ.
قىرعىزستان پرەزيدەنتٸ قازاقستانمەن دوستىق, تاتۋ كٶرشٸلٸك جەنە بەكەم باۋىرلاستىق رۋحىنداعى قارىم-قاتىناستى جان-جاقتى نىعايتۋعا بەيٸل ەكەنٸن جەتكٸزدٸ.
– قازاقستان – بٸزدٸڭ ەڭ جاقىن كٶرشٸمٸز, قىرعىزستاننىڭ سىرتقى ساياساتىندا ەرەكشە ورىن الاتىن باۋىرلاس ەل, نەگٸزگٸ ساۋدا سەرٸكتەستەرٸمٸزدٸڭ بٸرٸ. قۇرمەتتٸ قاسىم-جومارت كەمەلۇلى, سٸزدٸڭ قولداۋىڭىزدىڭ ارقاسىندا مەملەكەتتەرٸمٸزدٸڭ اراسىنداعى ستراتەگييالىق ىنتىماقتاستىق پەن وداقتاستىق قاتىناستار نىق دامىپ كەلە جاتقانىن ايرىقشا اتاپ ٶتكٸم كەلەدٸ. بٸزدٸڭ حالىقتارىمىز ەرتەدەن دوستىق پەن كەلٸسٸمدە ٶمٸر سٷردٸ, بٸر-بٸرٸن قولداپ وتىردى. قالىپتاسقان تاتۋلىعىمىزدىڭ نەگٸزٸندە بٸز بارلىق مەسەلەنٸ بٸرلەسە شەشە الامىز دەپ سەنەمٸن. ٶيتكەنٸ قىرعىز بەن قازاق – ەگٸز سەكٸلدٸ ۇقساس ەلدەر. ۇلى اباي «ەش قازاق قىرعىز بەن قازاقتىڭ بٸر تۇقىمداس ەكەنٸنە تالاسپايدى» دەگەن, – دەدٸ سادىر جاپاروۆ.
وتىرىس بارىسىندا ساۋدا-ەكونوميكالىق, كٶلٸك-ترانزيتتٸك, سۋ-ەنەرگەتيكالىق جەنە مەدەني-گۋمانيتارلىق سالالارداعى ىنتىماقتاستىق مەسەلەلەرٸ قاراستىرىلدى.
جيىندا قىرعىز رەسپۋبليكاسى مينيسترلەر كەڭەسٸ تٶراعاسىنىڭ ورىنباسارى – سۋ رەسۋرستارى, اۋىل شارۋاشىلىعى, ٶڭدەۋ ٶنەركەسٸبٸ مينيسترٸ باقىت توروباەۆ, قازاقستان رەسپۋبليكاسى پرەمەر-مينيسترٸنٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين, قىرعىز رەسپۋبليكاسى ەكونوميكا جەنە كوممەرتسييا مينيسترٸ باقىت سىدىقوۆ, قىرعىز رەسپۋبليكاسى كٶلٸك جەنە كوممۋنيكاتسييا مينيسترٸ ابساتتار سىرگاباەۆ, قىرعىز رەسپۋبليكاسى مەملەكەتتٸك ۇلتتىق قاۋٸپسٸزدٸك كوميتەتٸ شەكارا قىزمەتٸنٸڭ ديرەكتورى ابديكاريم اليمباەۆ, قازاقستان رەسپۋبليكاسىنىڭ كٶلٸك مينيسترٸ نۇرلان ساۋرانباەۆ, قىرعىز رەسپۋبليكاسى ەنەرگەتيكا مينيسترٸ تاالايبەك يبراەۆ, قازاقستان رەسپۋبليكاسى ەنەرگەتيكا مينيسترٸ ەرلان اقكەنجەنوۆ, قازاقستان رەسپۋبليكاسى سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ, قىرعىز رەسپۋبليكاسى مەدەنيەت, اقپارات, سپورت جەنە جاستار ساياساتى مينيسترٸ ميربەك مامبەتاليەۆ, قازاقستان رەسپۋبليكاسى مەدەنيەت جەنە اقپارات مينيسترٸ ايدا بالاەۆا بايانداما جاسادى.
قازاقستاننىڭ عىلىم جەنە جوعارى بٸلٸم مينيسترٸ ساياسات نۇربەك پەن قىرعىزستاننىڭ عىلىم, جوعارى بٸلٸم جەنە يننوۆاتسييا مينيسترٸ باقتييار وروزوۆ وش مەملەكەتتٸك ۋنيۆەرسيتەتٸ بازاسىندا ل.ن.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ فيليالى اشىلعانىن مەلٸمدەدٸ.
كەلٸسسٶزدەر قورىتىندىسى بويىنشا قازاقستان مەن قىرعىزستان مەملەكەتتەرٸ باسشىلارىنىڭ بٸرلەسكەن مەلٸمدەمەسٸ قابىلداندى.
سونىمەن قاتار قاسىم-جومارت توقاەۆ پەن سادىر جاپاروۆ قازاقستان رەسپۋبليكاسى مەن قىرعىز رەسپۋبليكاسى جوعارى مەملەكەتارالىق كەڭەسٸ جەتٸنشٸ وتىرىسىنىڭ شەشٸمدەرٸنە قول قويدى.
رەسمي دەلەگاتسييا مٷشەلەرٸ ەكٸجاقتى تاۋار اينالىمىن 2030 جىلعا قاراي 3 ميلليارد دوللارعا دەيٸن ۇلعايتۋ بويىنشا جول كارتاسى جەنە باسقا دا ٷكٸمەتارالىق, ۆەدومستۆوارالىق قۇجاتتارمەن الماستى.
