فوتو: اقوردا
مەملەكەت باسشىسى كونگو دەموكراتييالىق رەسپۋبليكاسى پرەزيدەنتٸنٸڭ ەلٸمٸزگە العاشقى ساپارىن تاريحي سەت رەتٸندە اتاپ ٶتٸپ, ونىڭ استاناعا ٷلكەن دەلەگاتسييامەن كەلۋٸن قازاق حالقىنا كٶرسەتكەن زور قۇرمەت دەپ باعالادى, دەپ حابارلايدى Ult.kz.
– ديپلوماتييالىق قاتىناستاردىڭ ورناعانىنا كٶپ ۋاقىت بولا قويعان جوق. سوعان قاراماستان ٶزارا سەنٸم مەن دوستىققا نەگٸزدەلگەن ىنتىماقتاستىق دامىپ كەلەدٸ. بٷگٸنگٸ كەلٸسسٶزدەر استانا مەن كينشاسا اراسىنداعى بايلانىستى جاڭا بەلەسكە كٶتەرەدٸ, تيٸمدٸ ەرٸپتەستٸك ورناتۋعا مٷمكٸندٸك بەرەدٸ. كونگو دەموكراتييالىق رەسپۋبليكاسى – قازاقستاننىڭ افريكاداعى ماڭىزدى سەرٸكتەسٸ. ەكٸ ەل اراسىنداعى قارىم-قاتىناستىڭ كەلەشەگٸ زور دەپ ويلايمىن, – دەدٸ قاسىم-جومارت توقاەۆ.
مەملەكەت باسشىسى بٷگٸنگٸ ۋاعدالاستىقتار مەن قول قويىلعان قۇجاتتار ٶزارا تيٸمدٸ ىقپالداستىققا تىڭ سەرپٸن بەرەتٸنٸنە سەنٸم بٸلدٸردٸ. سونىمەن قاتار سەرٸكتەستٸكتٸڭ قارقىنىن ٶز دەڭگەيٸندە ساقتاۋ ٷشٸن ەكٸ ەلدٸڭ سىرتقى ساياسات ۆەدومستۆولارى اراسىنداعى تۇراقتى ەرٸ ٸسكەرلٸك بايلانىستى جانداندىرۋعا شاقىردى.
قاسىم-جومارت توقاەۆتىڭ ايتۋىنشا, ساۋدا-ەكونوميكالىق ىنتىماقتاستىق ەكٸجاقتى كٷن تەرتٸبٸنٸڭ باسىم باعىتى بولۋى كەرەك. پرەزيدەنت قازاقستان مەن كونگو دەموكراتييالىق رەسپۋبليكاسىنىڭ تابيعي رەسۋرستارعا باي ەرٸ ەكونوميكالىق مٷمكٸندٸگٸ مول ەكەنٸنە نازار اۋدارىپ, ەكٸ ەل ٶزارا تيٸمدٸ جوبالاردى ٸسكە اسىرۋدا سەنٸمدٸ سەرٸكتەس بولا الاتىنىن جەتكٸزدٸ.
مەملەكەت باسشىسى اسا ماڭىزدى شيكٸزات ماتەريالدارى سالاسىنداعى كدر-دىڭ ەلەۋەتٸنە جوعارى باعا بەرٸپ, بۇل ەلدٸڭ بٸرەگەي تابيعي رەسۋرستارى جاھاندىق جەتكٸزۋ تٸزبەگٸندە ماڭىزدى رٶل اتقاراتىنىن اتاپ ٶتتٸ.
ەلەمدەگٸ كوبالت ٶندٸرٸسٸنٸڭ 76 پايىزى, مىستىڭ 14 پايىزى, قالايىنىڭ 8,3 پايىزى, تانتالدىڭ 42 پايىزى, كولتاننىڭ 40 پايىزى كونگو دەموكراتييالىق رەسپۋبليكاسىنا تيەسٸلٸ. سونىمەن قاتار جوعارى تەحنولوگييالىق سالالارعا قاجەتتٸ باسقا دا ستراتەگييالىق مينەرالداردىڭ مول قورى بار.
پرەزيدەنت كونگو باسشىلىعىنىڭ قولداۋىمەن قازاقستاندىق ERG كومپانيياسى اتالعان ەلدە تابىستى جۇمىس ٸستەپ جاتقانىن ايتتى.
ٶز كەزەگٸندە فەليكس چيسەكەدي كونگونىڭ ٶزارا ىنتىماقتاستىقتى تەرەڭدەتۋگە دايىن ەكەنٸن جەتكٸزدٸ.
– بٸزدٸڭ مەملەكەتتەرٸمٸز گەوگرافييالىق تۇرعىدان بٸر-بٸرٸنەن الشاق ورنالاسسا دا, حالىقتارىمىزدى ەگەمەندٸك پەن تەرريتورييالىق تۇتاستىقتى قۇرمەتتەۋ, ديالوگ ارقىلى بەيبٸتشٸلٸككە ٷندەۋ سەكٸلدٸ ورتاق قۇندىلىقتار بٸرٸكتٸرەدٸ. كونگو دەموكراتييالىق رەسپۋبليكاسى حالىقارالىق قوعامداستىقتىڭ, سونىڭ ٸشٸندە قازاقستاننىڭ ەڭ قيىن سەتتەردە كٶرسەتكەن قولداۋىن ەشقاشان ۇمىتپايدى. قازاقستان بۇۇ اياسىنداعى بەلسەندٸ ۇستانىمىمەن كونگو حالقىنا جاناشىر ەكەنٸن دەلەلدەدٸ. سوندىقتان سٸزگە شىنايى ريزاشىلىعىمىزدى بٸلدٸرۋگە رۇقسات ەتٸڭٸز, – دەدٸ كدر پرەزيدەنتٸ.
فەليكس چيسەكەديدٸڭ ايتۋىنشا, قازاقستان يادرولىق قارۋدان باس تارتۋ جەنە بەيبٸتشٸلٸكتٸ ساقتاۋ ٷشٸن دەيەكتٸ ديالوگتى ٸلگەرٸلەتۋ ارقىلى قاۋٸپسٸزدٸك پەن دامۋدىڭ ٶتە ماڭىزدى ەكەنٸن كٶرسەتتٸ. بۇل – ەلەم جۇرتشىلىعىنا ٷلگٸ.
كەلٸسسٶز بارىسىندا ەكٸجاقتى ساۋدانى دامىتۋ, كٶلٸك-لوگيستيكا, تاۋ-كەن, اۋىل شارۋاشىلىعى جەنە اقپاراتتىق تەحنولوگييالار, تسيفرلاندىرۋ سالالارىنداعى ىقپالداستىق مەسەلەلەرٸنە باسا مەن بەرٸلدٸ.
كەلٸسسٶز قورىتىندىسى بويىنشا قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ پەن كونگو دەموكراتييالىق رەسپۋبليكاسىنىڭ پرەزيدەنتٸ فەليكس چيسەكەدي بٸرلەسكەن مەلٸمدەمە قابىلدادى.
بۇدان بٶلەك ديپلوماتييالىق كونسۋلتاتسيياعا, تاۋ-كەن جەنە گەولوگييا سالاسىنداعى ىنتىماقتاستىققا قاتىستى ۆەدومستۆوارالىق قۇجاتتارعا قول قويىلدى.
