كاتار قازاقستان ٷشٸن ۋاقىت سىنىنان ٶتكەن سەنٸمدٸ سەرٸكتەس. بۇل تۋرالى بٷگٸن قازاقستان-كاتار جوعارى دەڭگەيدەگٸ بٸرلەسكەن كوميسسيياسىنىڭ 5-وتىرىسىندا قر ۇلتتىق ەكونوميكا مينيسترٸ رۋسلان دەلەنوۆ ايتتى, دەپ حابارلايدى "ۇلت اقپارات".
«كاتار مەملەكەتٸن تاياۋ شىعىستاعى نەگٸزگٸ سەرٸكتەستەردٸڭ بٸرٸ رەتٸندە قاراستىرامىز. تولىقتاي العاندا, ەلدەرٸمٸزدٸڭ اراسىنداعى ديپلوماتييالىق قارىم-قاتىناستىڭ 27 جىلى ٸشٸندە ٶزارا سەنٸمگە نەگٸزدەلگەن سىندارلى ديالوگ ورناتتىق. كاتار قازاقستان ٷشٸن ۋاقىت سىنىنان ٶتكەن دوس ەرٸ سەنٸمدٸ سەرٸكتەس. كاتاردىڭ قازاقستاندا ەلەۋمەتتٸك نىساندار سالۋداعى قايىرىمدىلىق قالاۋىنا زور ريزاشىلىقپەن قارايمىز. كاتار تارابى الماتى وبلىسىندا پەرزەنتحانا سالۋ ٷشٸن قارجى بٶلۋ تۋرالى شەشٸم قابىلدادى. 2018 جىلى كاتار دامۋ قورىنىڭ قارجىلاي قاتىسۋىمەن نۇر-سۇلتان قالاسىندا مەكتەپ-ليتسەي قۇرىلىسى سەتتٸ اياقتالدى. كٷنٸ كەشە عانا بۇل مەكتەپكە شەيح تاميم بەن حاماد ەل-تانيدٸڭ ەسٸمٸ بەرٸلدٸ», - دەدٸ رۋسلان دەلەنوۆ.
ونىڭ اتاپ ٶتۋٸنشە, قازاقستان مەن كاتار اراسىنداعى ساياسي ەرٸ ينۆەستيتسييالىق ٶزارا ٸس-قيمىلدىڭ وڭ قارقىنى اياسىندا ەكٸ ەلدٸڭ بٸر-بٸرٸمەن تاۋار اينالىمى شامامەن 2 ملن دوللارعا جۋىقتاپ وتىر. الداعى ۋاقىتتا بۇل كٶرسەتكٸشتٸ ارتتىرا تٷسۋگە ەكٸ ەل دە كٷش سالماق. بۇل رەتتە دوحا مەن نۇر-سۇلتان جەنە الماتى قالالارى اراسىندا تٸكەلەي جولاۋشىلار جەنە جٷك رەيستەرٸنٸڭ وسى جىلدىڭ ناۋرىز ايىنىڭ سوڭىندا اشىلۋى سەپتٸگٸن تيگٸزەدٸ.
«بۇعان قوسا, ينۆەستيتسييا, قارجى, ەنەرگەتيكا, اۋىل شارۋاشىلىعى, عىلىم جەنە ٶزگە سالالارداعى ىنتىماقتاستىقتى كٷشەيتۋ ەكٸجاقتى تاۋار اينالىمىن ارتتىرۋ ٷشٸن جاڭا پەرسپەكتيۆالار مەن مٷمكٸنشٸلٸكتەرگە جول اشادى. بٸز قازاقستاندىق-كاتارلىق كٶپجوسپارلى ديالوگتى نىعاتۋعا جەنە ودان ارى كەڭەيتۋگە بار كٷش-جٸگەرٸمٸزدٸ جۇمساۋعا دايىنبىز», - دەدٸ مينيستر.
وتىرىسقا كاتار مەملەكەتٸنٸڭ ساۋدا جەنە يندۋسترييا مينيسترٸ الي بەن احمەد ەل-كۋۆاري باستاعان دەلەگاتسيياسى قاتىستى.
