بٷگٸن پاريج قالاسىندا (فرانتسييا) جوعارى بٸلٸم جەنە عىلىمي زەرتتەۋلەر سالاسىنداعى ىنتىماقتاستىق تۋرالى دەكلاراتسيياعا قول قويىلدى. قۇجاتقا قازاقستان رەسپۋبليكاسى عىلىم جەنە جوعارى بٸلٸم ۆيتسە-مينيسترٸ قۋانىش ەرعاليەۆ پەن فرانتسييا رەسپۋبليكاسىنىڭ ەۋروپا جەنە سىرتقى ٸستەر مينيسترلٸگٸ جانىنداعى سىرتقى ساۋدا, ەكونوميكالىق تارتىمدىلىق جەنە شەتەلدەگٸ فرانتسۋز ازاماتتارى جٶنٸندەگٸ مينيستر-دەلەگات وليۆە بەشت قول قويدى.
قازاقستان مەن فرانتسييا ەكٸ ەلدٸڭ ۋنيۆەرسيتەتتەرٸ مەن عىلىمي-زەرتتەۋ ينستيتۋتتارى اراسىنداعى ىنتىماقتاستىقتى دامىتۋ تۋرالى كەلٸسٸم جاساستى. ەكٸ ەل بٸرلەسٸپ, بٸلٸم بەرۋ جەنە قوس ديپلومدىق باعدارلامالاردى جٷزەگە اسىرۋعا قولداۋ كٶرسەتەدٸ. سونداي-اق كەلەشەكتە سوربوننا-قازاقستان ينستيتۋتىن ترانسفورماتسييالاۋ بويىنشا جۇمىستى ودان ەرٸ جالعاستىرۋ جوسپارلانۋدا.
قازاقستان مەن فرانتسييا اراسىنداعى اكادەمييالىق ۇتقىرلىق پەن عىلىمي ىنتىماقتاستىق بايلانىس اياسىندا ەكٸ ەل دە ستۋدەنت, وقىتۋشى, زەرتتەۋشٸ جەنە مامان الماستىرۋ ٸسٸن ودان ەرٸ جالعاستىرادى.
«بٸز فرانتسييامەن اراداعى دەكلاراتسيياعا قول قويدىق. قر عىلىم جەنە جوعارى بٸلٸم مينيسترلٸگٸ «بولاشاق» باعدارلاماسىنىڭ تٸزٸمٸنە جاڭا فرانتسۋز ۋنيۆەرسيتەتتەرٸن ەنگٸزۋ مٷمكٸندٸگٸن قاراستىرۋعا دايىن. فرانتسييادا تاعىلىمدامادان ٶتۋ ٷشٸن بٸز قازاقستان مەن فرانتسييا مەكەمەلەرٸ اراسىندا «500 عىلىمي تاعىلىمداما» اتتى باعدارلامانى بٸرلەسٸپ ناسيحاتتاۋدى جٶن كٶرٸپ وتىرمىز. ماگيسترانتتار مەن دوكتورانتتارعا ارنالعان «اباي-ۆەرن» شەكٸرتاقىلىق باعدارلاماسى ودان ەرٸ جالعاسادى. سونىمەن قاتار فرانتسييانىڭ ورتالىق ازييانى زەرتتەۋ ينستيتۋتى قازاقستاندىق جەنە فرانتسييالىق ٷمٸتكەرلەر ٷشٸن گۋمانيتارلىق جەنە ەلەۋمەتتٸك عىلىمدار سالاسىنداعى عىلىمي ۇتقىرلىق باعدارلامالارىنا قولجەتٸمدٸلٸكتٸ جەڭٸلدەتەتٸن بولادى», – دەدٸ مينيستر ساياسات نۇربەك.
مينيستردٸڭ ايتۋىنشا, اتالمىش دەكلاراتسييا قازاقستان مەن فرانتسييا اراسىنداعى جوعارى بٸلٸم جەنە عىلىمي زەرتتەۋلەر سالاسىنداعى ەكٸجاقتى قارىم-قاتىناستاردى دامىتۋعا ىقپال ەتەدٸ.
