قازاقستان رەسپۋبليكاسى پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ ەۋروپالىق وداقتىڭ ورتالىق ازييا بويىنشا ارنايى ٶكٸلٸ تەري حاكالامەن كەزدەستٸ, دەپ حابارلايدى قازاقپارات.
«بۇل - مەنٸڭ ارنايى ٶكٸل رەتٸندەگٸ العاشقى رەسمي ساپارىم. وسىعان دەيٸن ديپلومات رەتٸندە قازاقستاندا بولعان ەدٸم. مەنٸڭ وسى جولعى ساپارىم ەكٸ كٷنگە جالعاستى. كەشە قازاقستان پرەزيدەنتٸمەن كەزدەستٸم. سونىمەن قاتار, سەناتتا دا كەزدەسۋلەر ٶتتٸ», - دەدٸ تەري حاكالا قر سىرتقى ٸستەر مينيسترٸمەن ٶتكەن پٸكٸرالماسۋدان كەيٸن تٸلشٸلەردٸڭ سۇراقتارىنا جاۋاپ بەرە وتىرىپ.
ونىڭ ايتۋىنشا, الداعى ۋاقىتتا ٷكٸمەت مٷشەلەرٸمەن, تٸلشٸلەرمەن, سونداي-اق ەو ديپلوماتييالىق كورپۋسىنىڭ ٶكٸلدەرٸمەن كەزدەسۋ ٶتەدٸ.
تەري حاكالا قازاقستان مەن ەو-نىڭ قارىم-قاتىناسى ٶتە قارقىندى ەكەنٸن ايتا كەلە, كەڭەيتٸلگەن ەرٸپتەستٸك جەنە ىنتىماقتاستىق جٶنٸندەگٸ كەلٸسٸم بەكٸتٸلگەنٸن ەسكە سالدى.
«قارىم-قاتىناس سالاسىندا كوروناۆيرۋس بٸرشاما كەدەرگٸ كەلتٸرٸپ وتىر. الايدا تيٸستٸ قادامداردى ٸسكە اسىرىپ كەلەمٸز. بٸزدە ٶتە جاقسى ٶزارا ديالوگ ورناعان, وسى ورايدا كٶپتەگەن تاقىرىپتى ەمٸن-ەركٸن تالقىلاپ وتىرمىز. جالپى, اشىق ديالوگ بار», - دەدٸ ول.
بۇدان بٶلەك ول اۋعانستانداعى جاعدايعا قاتىستى پٸكٸر بٸلدٸردٸ.
«قازٸرگٸ ۋاقىتتا اۋعانستاننان قىزمەتكەرلەرٸمٸزدٸ ەۆاكۋاتسييالاۋمەن اينالىسىپ جاتىرمىز. بۇل ٶز كەزەگٸندە ۇزاق پروتسەسس دەسەك بولادى. ەزٸرگە, ونداعى جاعدايعا ناقتى باعا بەرۋ ەرتەرەك. ەو ول جەردە گۋمانيتارلىق كٶمەك جەنە ادام قۇقىقتارى تۋرالى حالىقارالىق زاڭناما ساقتالىپ, وسىعان دەيٸن اۋعانستان حالىقارالىق دەڭگەيدە ٶزٸنە العان مٸندەتتەمەلەر ورىندالادى دەگەن ٷمٸتتە. بۇل تۇرعىدا ونداعى جاعداي تۇراقتى بولىپ, ساياسي شەشٸم جاسالعانى ٶتە ماڭىزدى», - دەدٸ تەري حاكالا.
