قازاقستان مەن بەلارۋس ٶزارا تاۋار اينالىمىن ارتتىرۋعا مٷددەلٸ

قازاقستان تمد شەڭبەرٸندە بەلارۋستٸڭ نەگٸزگٸ ساۋدا سەرٸكتەستەرٸنٸڭ ٷشتٸگٸنە كٸرەدٸ. ستاتيستيكالىق مەلٸمەتتەر بويىنشا, قازاقستان مەن بەلارۋس اراسىنداعى تاۋار اينالىمى 2015 جىلى 519,7 ملن دوللاردى قۇراعان, بۇل كٶرسەتكٸش 2014 جىلمەن سالىستىرعاندا 37,8%-عا تٶمەن. سونداي-اق, قازاقستاننان بەلارۋسكە شىعارىلاتىن ەكسپورت مٶلشەرٸ 22,2%-عا قىسقارىپ, 47,7 ملن دوللار بولعان. بەلارۋستەن ەلمٸزگە كەلەتٸن يمپورت تا 39,0%-عا كەمٸپ, 472,0 ملن دوللاردى قۇراپتى. مۇنداي ٷدەرٸستٸڭ قالىپتاسۋىن ساراپشىلار ەڭ الدىمەن, قازٸرگٸ ەلەمدٸك ەكونوميكالىق داعدارىس جاعدايىمەن بايلانىستىرىپ وتىر.

«ەكٸجاقتى تاۋار اينالىمنىڭ 90%-ى بەلارۋس تاۋارلارى مەن ٶنٸمدەرٸن قۇراسا, قالعان 10%-ى وتاندىق تاۋارلارعا تيەسٸلٸ. بٷگٸنگٸ كٷنگە دەيٸن ەكٸ ەلدٸڭ اراسىنداعى تاۋار اينالىمى بٸرتٸندەپ ٶسٸپ, شامامەن 1 ملرد دوللارعا جاقىنداپ قالعان ەدٸ. الايدا, قارجىلىق داعدارىستىڭ ەسەرٸنەن بۇل كٶرسەتكٸش ٶتكەن جىلى 519 ملن دوللارعا دەيٸن تٶمەندەدٸ.  بيىلعى جىلى بۇل ٷدەرٸس ەلٸ دە جالعاسىپ كەلەدٸ. مەسەلەن, اعىمداعى جىلدىڭ العاشقى جارتىجىلدىعىندا تاۋار اينالىمى 145,8 ملن دوللاردى قۇرادى. بۇل ٶتكەن جىلعى دەل وسى ۋاقىت ارالىعىنداعى كٶرسەتكٸشتەن 46,4%-عا تٶمەن. ەرينە, بۇل جاعداي ەكٸ ەلگە عانا بايلانىستى بولىپ تۇرعان جوق. بۇل ەلەمدەگٸ ەكونوميكالىق جاعدايدىڭ ەسەرٸنەن قالىپتاسقان ٷردٸس. بٸراق سوعان قاراماستان, بٸز ەكسپورت-يمپورت, تاۋار اينالىمى كٶرسەتكٸشتەرٸن جوعارىلاتۋعا كٷش سالاتىن بولامىز». سىرتقى ٸستەر مينيسترلٸگٸ ارنايى ۇيىمداستىرعان بريفينگتە قازاقستاننىڭ بەلارۋس رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ ەرعالي بٶلەگەنوۆ وسىلاي دەدٸ.

تٶتەنشە جەنە ٶكٸلەتتٸ ەلشٸ سونداي-اق ەكٸجاقتى ەرٸپتەستٸككە, قوس مەملەكەت اراسىنداعى ىنتىماقتاستىقتىڭ نىعايۋىنا مەملەكەت باسشىلارىنىڭ سەنٸمگە قۇرىلعان, دوستىققا نەگٸزدەلگەن قارىم-قاتىناسى ايتارلىقتاي ەسەر ەتكەنٸن جەتكٸزدٸ. ول عارىش, اۋىل شارۋاشىلىعى, ٶنەركەسٸپ, بٸلٸم-عىلىم, دەنساۋلىق ساقتاۋ, كوممۋنيكاتسييا, ترانزيت, IT-تەحنولوگييا, جول-قۇرىلىس, ماشينا جاساۋ سالالارىندا وڭ ەرٸپتەستٸك بايلانىس ورناتىلعانىنا توقتالىپ ٶتتٸ. مەسەلەن, بەلارۋستٸڭ 5 ەسكەري اكادەميياسى مەن جوعارى وقۋ ورنىن 2012 جىلدان بەرٸ قازاقستاننان بارعان 300-گە تارتا ەسكەري ازامات تەمامداپتى. ال بٷگٸندە بۇل ەلدە 300-دەن استام قازاقستاندىق ستۋدەنت بٸلٸم الىپ جاتىر ەكەن.

لەيلا ەدٸلقىزى

"ەگەمەن قازاقستان"