«قازاقفيلم» مەن «بەلارۋسفيلم» بٸرلەسٸپ «لەتو 1941 گودا» اتتى تاريحي فيلم تٷسٸردٸ. بۇل تۋرالى قازاقستانداعى بەلارۋس رەسپۋبليكاسىنىڭ تٶتەنشە جەنە ٶكٸلەتتٸ ەلشٸسٸ پاۆەل ۋتيۋپين مەلٸم ەتتٸ, دەپ حابارلايدى قازاقپارات.
«ەكٸنشٸ دٷنيەجٷزٸلٸك سوعىس - بەلارۋس پەن قازاقستانعا ورتاق قاسٸرەت. تيٸسٸنشە جەڭٸس تە - بٷكٸل كسرو ەلدەرٸنە ورتاق. ٶكٸنٸشكە قاراي, ۇلى وتان سوعىسىنا اتتانعان ەربٸر ٷشٸنشٸ بەلارۋس ورالمادى. سوعىس كەزٸندە بەلارۋس اۋماعىن ازات ەتۋ جولىندا كٷرەسكەن 80-نەن استام قازاقستاندىق تٷرلٸ دەرەجەدەگٸ ماراپاتقا يە بولدى. ۇلى وتان سوعىسى تاقىرىبى ورتاق بولعاندىقتان بەلارۋس پەن قازاقستان بٸرلەسكەن جوبالاردى قولعا الىپ جاتىر. سونىڭ بٸرٸ - بيىل جازدا «قازاقفيلم» مەن «بەلارۋسفيلم» بٸرلەسٸپ «لەتو 1941 گودا» اتتى فيلم تٷسٸردٸ. جۋىردا تۇساۋكەسەرٸ ٶتەدٸ دەپ جوسپارلانىپ وتىر», - دەدٸ پاۆەل ۋتيۋپين ەلوردادا باستالعان بەلارۋس ەلٸنٸڭ مەدەنيەت كٷندەرٸ سالتاناتتى شاراسى بارىسىندا.
ەلشٸنٸڭ مەلٸمەتٸنشە, اتالعان فيلم قازاقستاندىق پارتيزان ەدي شەرٸپوۆ تۋرالى بولماق.
بۇعان دەيٸن حابارلاعانىمىزداي, قازاقستاندا بەلارۋس رەسپۋبليكاسىنىڭ مەدەنيەت كٷندەرٸ باستالدى.
مەدەنيەت كٷندەرٸ اياسىندا ەلوردا جۇرتشىلىعى بەلارۋس فيلمدەرٸن تەگٸن تاماشالاي الادى.
ودان بٶلەك, استانالىقتار نازارىنا كٶرمە مەن مەرەكەلٸك كونتسەرت ۇسىنىلادى.
