فوتو: © Sputnik / الەكسەي دانيچەۆ
قازاقستان گازىنىڭ قىتايعا ەكسپورتى جىلىنا – 11 ملرد تەكشە مەتر. بۇل تۋرالى الماتىدا جۋرناليستەرمەن كەزدەسۋ كەزٸندە ەنەرگەتيكا مينيسترٸ الماسادام سەتقاليەۆ ايتتى, دەپ حابارلايدى Kazinform.
«قازٸر بٸز جىلىنا 11 ملرد تەكشە مەترگە دەيٸنگٸ گاز كٶلەمٸ تۋرالى ايتىپ وتىرمىز, بٸراق بۇل كٶلەم قازاقستاننىڭ گاز ٶندٸرۋشٸلەرٸنٸڭ مٷمكٸندٸگٸنە قاراي جىل سايىن رەتتەلٸپ وتىرادى», - دەدٸ مينيستر بريفينگتە.
ول بيىل ينديكاتيۆتٸك بالانسقا بايلانىستى 4,5-5 ملرد تەكشە مەتر گاز, كەيٸن -11 ملرد تەكشە مەترگە دەيٸن ەكسپورتتاۋ جوسپارلانىپ وتىرعانىن ايتتى.
مينيستردٸڭ ايتۋىنشا, گاز باتىس قازاقستاننىڭ كەن ورىندارىنان جەتكٸزٸلەتٸن بولادى, اتاپ ايتقاندا نەگٸزگٸ كٶزٸ «تەنگيز» بولماق.
