استانادا «قازمۇنايگاز» ۇك اق مەن CNPC كورپوراتسيياسى باسشىلارىنىڭ كەزدەسۋٸ ٶتٸپ, ونىڭ بارىسىندا ەكٸ ەلدٸڭ باستى مۇناي-گاز كومپانييالارىنىڭ قازاقستاندىق گازدى ەكسپورتتاۋ بويىنشا ٶزارا ٸس-قيمىل مەسەلەلەرٸ تالقىلاندى, دەپ حابارلايدى "ۇلت اقپارات" "قازترانسگاز" اق باسپاسٶز قىزمەتٸنە سٸلتەمە جاساپ.
تاراپتار 2017-2018 ج.ج. كەزەڭٸندە قازاقستاننان قىتايعا تابيعي گاز جەتكٸزۋدٸڭ مٷمكٸندٸگٸن تالقىلاپ, 5 ميلليارد تەكشەمەترگە دەيٸنگٸ كٶلەمدە قازاقستاندىق گازدى ەكسپورتقا ساتۋ شارتىنا قول قويۋعا كەلٸستٸ. مۇناي-گاز كومپانييالارىنىڭ باسشىلارى ٶزارا تٷسٸنٸستٸك تۋرالى مەموراندۋمعا قول قويدى. قۇجات ٶنٸمدٸ جەتكٸزۋ كٶلەمدەرٸن, باعاسىن جەنە ساپاسىن, سونداي-اق قىتاي تاراپىنىڭ گازدى قابىلداپ الۋ ورنى – «قورعاس» شەكارا پۋنكتٸ دەپ ايقىندالدى.
«قازمۇنايگاز» ۇك اق باسقارماسىنىڭ تٶراعاسى ساۋات مىڭباەۆ استانادا قول قويىلعان مەموراندۋم, قازاقستان مەن قىتايدىڭ ەكٸجاقتى ٶزارا تيٸمدٸ ىنتىماقتاستىعىن ودان ەرٸ نىعايتۋعا مىقتى نەگٸز بولىپ تابىلادى دەپ اتاپ ٶتتٸ.
«قازترانسگاز» اق ديرەكتورلار كەڭەسٸنٸڭ تٶراعاسى قايرات شەرٸپباەۆتىڭ پٸكٸرٸنشە, قازاقستاندىق گازدى تاسىمالداۋدىڭ ترانزيتتٸك جەنە ەكسپورتتىق باعىتتارىن ەرتاراپتاندىرۋ, سونداي-اق كٶگٸلدٸر وتىن ەكسپورتىنىڭ كٶلەمٸن ۇلعايتۋ - مەملەكەت باسشىسى بەلگٸلەگەن ستراتەگييالىق مٸندەت. قىتايعا قازاقستاندىق گازدى ەكسپورتتاۋ تۋرالى ۋاعدالاستىققا قول جەتكٸزۋگە ەكسپورتقا باعىتتالعان تاسىمال جٷيەسٸن قالىپتاستىرۋ جٶنٸندەگٸ ٶتە اۋقىمدى جەنە كٷردەلٸ جۇمىستار ارقىلى قول جەتتٸ: «بەينەۋ-بوزوي-شىمكەنت» گاز قۇبىرى سالىندى, «قازاقستان-قىتاي» ماگيسترالدىق گاز قۇبىرىنىڭ ٷشٸنشٸ تارماعىن پايدالانۋعا ەنگٸزۋ جەنە جوعارى تەحنولوگييالىق «بوزوي», «قاراٶزەك» كومپرەسسورلىق ستانتسييالارى مەن «اقىرتٶبە» سىعىمداۋ كومپرەسسورلىق ستانتسيياسىنىڭ سالىنۋى.
كەزدەسۋدە اتالىپ ٶتٸلگەندەي, قازاقستاندىق گازدى قىتايعا جەتكٸزۋ ەكٸجاقتى ٶزارا تيٸمدٸ قارىم-قاتىناستارعا, سونداي-اق ەۋرازييا ەلدەرٸ اراسىندا ينفراقۇرىلىم قۇرۋعا جەنە ساۋدا, كٶلٸكتٸك بايلانىستاردى جولعا قويۋعا باعىتتالعان «بٸر بەلدەۋ, بٸر جول» باستاماسى شەڭبەرٸندە ىنتىماقتاستىق قارىم-قاتىناستارىن بٸرلەسٸپ قامتاماسىز ەتۋگە جەنە ٸلگەرٸلەتۋگە ىقپال ەتەتٸن بولادى.
