قىتايدىڭ حاينان ارالىنداعى قازاقستاندىق تۋريستەر مٸنگەن العاشقى رەيس الماتىعا كەلدٸ. Sputnik قازاقستان تٸلشٸلەرٸ ولاردى ەۋەجايدا قارسى الدى. جولاۋشىلاردىڭ بارلىعى دەرلٸك بەتپەردە كيگەن.
ەۋەجايعا كٸرەبەرٸستە ەكٸ جەدەل جەردەم كٶلٸگٸ تۇردى. الايدا تۋريستەر بورتتا ينفەكتسييا جۇقتىرعان ادام بولماعانىن مەلٸمدەدٸ. كەلگەننەن كەيٸن ولاردى تەپلوۆيزور ارقىلى تەكسەرگەن.
"ۇشاقتا تٸپتٸ ەشكٸم تٷشكٸرمەدٸ. بٸزدٸ باسپاسٶزدٸڭ حابارلاماسى شوشىتتى. زەرەمٸز ۇشتى, ەشتەڭە جەگەن جوقپىز (ەكزوتيكالىق). بەتپەردە مەن كٶزٸلدٸرٸك كيٸپ جٷردٸك. ول جاقتا 20 قاڭتاردان بەرٸ بولدىق", - دەيدٸ حايكوۋدان (حاينان ارالىنداعى قالالىق وكرۋگ) كەلگەن قازاقستاندىق ارناي.
ول سونىمەن قاتار Sputnik قازاقستان تٸلشٸلەرٸنە حايكوۋدان ۇشىپ شىققان كەزدە تٷسٸرگەن ۆيدەوسىن كٶرسەتتٸ. ۆيدەوروليكتەن قالانىڭ قاڭىراپ قالعانىن كٶرۋگە بولادى. كٶشەدە ادام مەن كٶلٸك مٷلدەم جوق.
كارانتين جارييالانۋىنا بايلانىستى بارلىق ادام ٷيدە وتىر, دەپ اتاپ ٶتتٸ ٶز اتى-جٶنٸن ايتقىسى كەلمەگەن تاعى بٸر جولاۋشى. سوعان قاراماستان, وعان دەمالىس ۇناپتى.
باسقا جولاۋشى ەلييانىڭ ايتۋىنشا, ول حايناندا بالالارمەن – قىزىمەن, جيەنٸمەن بٸرگە دەمالعان. جولدامالاردى كوروناۆيرۋس تۋرالى جاڭالىق شىققانعا دەيٸن ساتىپ الىپتى. ٸندەت تارالىپ جاتقانىن قىتايعا بارعان كەزدە بٸر-اق بٸلگەن.
"بالالار ٷشٸن مٷلدەم الاڭداعان جوقپىن. وندا بەرٸ تىنىش بولدى. دەمالىستىڭ شىرقىن ەشتەڭە بۇزبادى. تەك, سوڭعى ەكٸ كٷن, 26 قاڭتاردان باستاپ ەكسكۋرسييالار مەن ويىن-ساۋىق ٸس-شارالارىن توقتاتتى", - دەيدٸ ول.
قازاقستاندىق تۋريستەر مٸنگەن SCAT ۇشاعى 29 قاڭتاردا حايكوۋدان ۇشىپ كەلدٸ. ۇشاق 28 قاڭتاردا ساعات 14:25-تە ۇشۋى تيٸس بولعان, بٸراق رەيس كەيٸنگە قالدىرىلدى. كەلۋ ۋاقىتى ٷش رەت اۋىستىرىلدى.
"وندا ەشقانداي دٷربەلەڭ جوق. بەرٸ باقىلاۋدا. بٸز جاقسى دەمالدىق. 27 قاڭتاردان باستاپ ول جاققا ۇشاق ۇشپاي جاتىر, تۋريستەردٸ ارالدان شىعارۋدا. بٸراق بٸز ەرتەرەك قايتا المادىق", - دەيدٸ ولاردىڭ كٶپشٸلٸگٸ.
