دەنساۋلىق ساقتاۋ مينيسترٸ ەلجان بٸرتانوۆ قازاقستانعا كەلەتٸن ازاماتتار ٷشٸن ەنگٸزٸلەتٸن كارانتين تەرتٸبٸن تٷسٸندٸرٸپ بەردٸ, دەپ حابارلايدى قازاقپارات.
«ەلەمدەگٸ 41 مەملەكەت ۋحاننان كەلگەندەرگە عانا ەمەس, بٷكٸل قىتايدان كەلگەن ازاماتتار ٷشٸن كارانتين تەرتٸبٸن ەنگٸزٸپ جاتىر. بٸز دە بٷگٸننەن باستاپ قىتايداعى ينفەكتسييانىڭ تارالۋ قاۋپٸنٸڭ الدىن الۋ ٷشٸن وسى شارانى قابىلدادىق», - دەدٸ ەلجان بٸرتانوۆ وكق-دا ٶتكەن باسپاسٶز مەسليحاتىندا.
سونىمەن قاتار مينيستردٸڭ ايتۋىنشا تاعى بٸرقاتار ەلدە ينفەكتسييانىڭ قارقىندى تٷردە تارالىپ جاتقان جايى بار.
«سول سەبەپتٸ سانيتارلىق دەرٸگەردٸڭ قاۋلىسىندا ەپيدەمييالىق تۇرعىدا جايسىز ەلدەردٸ ەكٸنشٸ ساناتقا كٸرگٸزدٸك. ول ەلدەردٸڭ قاتارىنا 10 پاتسيەنتٸ بار مەملەكەتتەر عانا ەمەس, اۋرۋدى جۇقتىرۋ سيپاتى جاعىنان ەرەكشەلەنگەن ەلدەر دە ەنگٸزٸلدٸ. وسىعان بايلانىستى بٸرقاتار ەلدەرگە نازار اۋدارىپ وتىرمىز. مەديتسينالىق قىزمەتكەرلەر 14 كٷن مونيتورينگ جاسايدى. كەز كەلگەن ازامات شەكارانى كەسٸپ ٶتكەن كەزدە بٸز ونىڭ مەلٸمەتتەرٸن تۇرعىلىقتى مەكەنجايى بويىنشا اۋرۋحانالارعا تاپسىرامىز», - دەدٸ ول.
ەگەر شەتەلدٸك ازامات قازاقستان اۋماعىنا كەلسە, ول جاتقان قوناق ٷيگە مەديتسينالىق قىزمەتكەر كەلٸپ, تەمپەراتۋراسىن ٶلشەپ, جاعدايىن باقىلاۋعا الادى.
«بۇدان كەيٸن قاشىقتىقتاعى مونيتورينگ قوڭىراۋ ارقىلى جٷرگٸزٸلەدٸ. بۇل شارالاردىڭ بەرٸ دە ەڭ الدىمەن ازاماتتاردىڭ ٶز دەنساۋلىعى ٷشٸن جاسالۋدا. ەڭ بٸرٸنشٸ كەزەكتە حالىق دەنساۋلىعى ٷشٸن قولعا الىنعان جۇمىستار لەگٸ – وسى», - دەدٸ ەلجان بٸرتانوۆ.
