قىتايدىڭ ۋحان قالاسىندا جاڭا كوروناۆيرۋستىق ينفەكتسييا پايدا بولدى. بۇل تۋرالى قر باس مەملەكەتتٸك سانيتارلىق دەرٸگەرٸ جانداربەك بەكشين ايتتى, دەپ حابارلايدى قازاقپارات.
«دٷنيەجٷزٸلٸك دەنساۋلىق ساقتاۋ ۇيىمىنىڭ رەسمي اقپاراتى بويىنشا, جاڭا كوروناۆيرۋستىق ينفەكتسييانىڭ 41 جاعدايى تٸركەلگەن. ونىڭ ٸشٸندە 7 ادام اۋىر جاعدايدا بولىپ, 2-ۋٸ قايتىس بولعان. بٸزدٸڭ ۇلتتىق ٷيلەستٸرۋشٸلەر ددسۇ-مەن بايلانىس جاساپ وتىر. ۋحان قالاسىنىڭ مۋنيتسيپالدىق باسقارما سايتىندا جاڭا كوروناۆيرۋستى ينفەكتسييانىڭ 198 جاعدايى تٸركەلگەنٸ, ونىڭ ٸشٸندە 25 ناۋقاس ەمدەلٸپ, 3-ەۋٸ قايتىس بولعانى تۋرالى جازىلعان», - دەيدٸ جانداربەك بەكشين.
سونداي-اق, ول تايلاند, جاپونييا, قىتايدىڭ حۋبەي پروۆينتسيياسىندا وسىنداي جاعداي بٸرەۋدەن تٸركەلگەنٸن ايتتى.
«گونكونگتا دا جاڭا كوروناۆيرۋسقا كٷدٸكتٸ التى جاعداي تٸركەلدٸ, بٸراق راستالعان جوق. بٸز بۇل مەسەلەگە ٷلكەن كٶڭٸل بٶلٸپ جاتىرمىز. شەكارادان ٶتۋ ورىندارىندا باقىلاۋدى كٷشەيتتٸك. حالىقارالىق ەۋەجايلاردا قاشىقتىق تەرمومەترييا جاساپ جاتىرمىز. قازٸرگٸ تاڭدا 13 مىڭنان استام جولاۋشى قاشىقتىق تەرمومەترييادان ٶتتٸ. ونىڭ ٸشٸندە ەكيپاج مٷشەلەرٸ دە بار», - دەيدٸ ول.
قىتايدىڭ بەس قالاسىنا نۇر-سۇلتان جەنە الماتى قالاسىنان رەيستەر بار.
«الماتىعا ارنايى تەمٸرجولمەن كەلەتٸن جولاۋشىلار دا باقىلاۋعا الىندى. بورتسەرٸكتەر مەن جولسەرٸكتەرمەن جۇمىس ٸستەپ, ترەنينگ ٶتكٸزٸپ جاتىرمىز, سەبەبٸ قاندايدا بٸر جاعداي بولسا بٸزگە حابارلايتىن سولار», - دەيدٸ جانداربەك بەكشين.
