قازاقستان - قىتاي شەكاراسىندا قازاقستاندىق شەكاراشىلار جارتى تونناعا جۋىق دەرٸ-دەرمەكتەردٸ زاڭسىز الىپ ٶتپەك بولعانداردىڭ جولىن كەستٸ. بۇل تۋرالى قر ۇقك شق باسپاسٶز قىزمەتٸنەن حابارلادى.
اتاپ ايتقاندا, «قورعاس» باقىلاۋ-ٶتكٸزۋ بەكەتٸنٸڭ شەكارا ناريادى سالماعى 490 كيلوگرامم بولاتىن, قىتاي ەلٸندە شىعارىلعان دەرٸ-دەرمەكتەردٸ ٸلەستٸرمە قۇجاتتارىنسىز الىپ ٶتۋگە تىرىسقان جەرٸنەن 26 جاستاعى قازاقستاندىق ازاماتتى ۇستاۋعا مەجبٷر بولدى.
ۇستالعان ازامات شەكارالىق ىنتىماقتاستىقتىڭ حالىقارالىق ساۋدا ورتالىعىنان قازاقستان جاققا قاراي كەلە جاتىر ەكەن.
اتالعان دەرەك بويىنشا «التىنكٶل» كەدەن بەكەتٸنٸڭ قىزمەتكەرلەرٸ حابارلاندىرىلدى.
