قر دەنساۋلىق ساقتاۋ مينيسترٸنٸڭ مٸندەتٸن اتقارۋشى جاندوس بٷركٸتباەۆ ەلەمدەگٸ جەنە قازاقستانداعى ەپيدەميولوگييالىق جاعدايدى باياندادى, دەپ حابارلايدى قازاقپارات.
«ەلەمدە 275 ميلليوننان استام كوروناۆيرۋس جۇقتىرۋ جاعدايى تٸركەلگەن. تەۋلٸگٸنە 500 مىڭنان استام جاعداي تٸركەلٸپ, 5,3 ميلليوننان استام ادام قايتىس بولدى. دٷنيەجٷزٸلٸك دەنساۋلىق ساقتاۋ ۇيىمىنىڭ ەۋروپالىق بٶلٸگٸندە 54 ەلدٸڭ 15-ٸندە سوڭعى اپتادا سىرقاتتانۋشىلىقتىڭ ارتقانى بايقالدى. سوڭعى 14 كٷندە دانييادا سىرقاتتانۋ 70 پايىزدان اسقان, يتالييادا, شۆەتسييادا – 50 پايىزدان, فرانتسييا, ۇلىبريتانييادا – 40 پايىزدان استام ٶسكەن, نوۆەرگييا مەن پورتۋگالييادا – 30 پايىزدان استام ٶستٸ», - دەدٸ جاندوس بٷركٸتباەۆ ٷكٸمەتتٸڭ بٷگٸنگٸ وتىرىسىندا.
ونىڭ ايتۋىنشا, قازاقستاندا سوڭعى اپتادا سىرقاتتانۋ 31 پايىزعا تٶمەندەدٸ. ەلەمدٸك رەيتينگتە قازاقستان كۆي-گە قارسى ەكٸ دوزامەن ۆاكتسينالاۋ بويىنشا 208 ەلدٸڭ ٸشٸندە 103-ورىندا. ونىڭ ٸشٸندە تمد ەلدەرٸ اراسىندا قازاقستان ەكٸنشٸ ورىندا تۇر, حالىق سانىنىڭ 44,5 پايىزى ۆاكتسينامەن قامتىلعان.
«رەسپۋبليكادا پتر تەستتٸڭ وڭ نەتيجەسٸمەن 984 مىڭعا جۋىق جاعداي جەنە تەرٸس نەتيجەسٸمەن 83 مىڭعا جۋىق جاعداي تٸركەلگەن. ناۋقاستاردىڭ 96 پايىزدان استامى جازىلىپ شىقتى. 18 852 ناۋقاس ەمدەۋدٸ جالعاستىرىپ جاتىر.
جالپى قازاقستاندا سوڭعى 4 ايدا سىرقاتتانۋ 16 ەسە تٶمەندەدٸ, رەپرودۋكتيۆتٸ سانى – 0,9 جەنە تامىز ايىمەن سالىستىرعاندا 1,2 ەسە تٶمەندەگەنٸ بايقالادى», - دەدٸ ج. بٷركٸتباەۆ.
