قازاقستان قۇراماسىنىڭ جارتىلاي قورعاۋشىسى سەرٸكجان مۋجيكوۆ «استانامەن» قوش ايتىستى, دەپ حابارلايدى "ۇلت اقپارات".
«استانا» فۋتبول كلۋبى مەلٸم ەتكەنٸندەي, ويىنشىمەن كەلٸسٸمشارت مەرزٸمٸ اياقتالعان.
س.مۋجيكوۆ ەلوردالىق كلۋبقا 2014 جىلى كەلدٸ. سوسىن «قايسارعا» اۋىسىپ, «استاناعا» قايتىپ ورالدى.
وسى جىلدارى جارتىلاي قورعاۋشى «استانا» قۇرامىندا 189 ماتچ ٶتكٸزٸپ, 19 گول سوقتى, 31 رەت نەتيجەلٸ پاس بەردٸ.
قازاقستاننىڭ التى دٷركٸن چەمپيونى اتانعان سەرٸكجان سونداي-اق ەۋروپا چەمپيوندارى ليگاسى مەن ەۋروپا ليگاسىنىڭ توپتىق كەزەڭدەرٸندە ٶنەر كٶرسەتتٸ.
«استانا» فۋتبول كلۋبى س.مۋجيكوۆقا العىسىن بٸلدٸرٸپ, الداعى سپورتتىق جولىندا سەتتٸلٸك تٸلەدٸ.
ەسكە سالا كەتەيٸك, بۇدان بۇرىن قازاقستان قۇراماسىنىڭ شابۋىلشىسى رومان مۋرتازاەۆتىڭ «استانادان» كەتكەنٸن جازعان بولاتىنبىز.
