Qazaqstan quramasynyń jartylai qorǵaýshysy Serikjan Mýjikov «Astanamen» qosh aitysty, dep habarlaidy "Ult aqparat".
«Astana» fýtbol klýby málim etkenindei, oiynshymen kelisimshart merzimi aiaqtalǵan.
S.Mýjikov elordalyq klýbqa 2014 jyly keldi. Sosyn «Qaisarǵa» aýysyp, «Astanaǵa» qaityp oraldy.
Osy jyldary jartylai qorǵaýshy «Astana» quramynda 189 match ótkizip, 19 gol soqty, 31 ret nátijeli pas berdi.
Qazaqstannyń alty dúrkin chempiony atanǵan Serikjan sondai-aq Eýropa chempiondary ligasy men Eýropa ligasynyń toptyq kezeńderinde óner kórsetti.
«Astana» fýtbol klýby S.Mýjikovqa alǵysyn bildirip, aldaǵy sporttyq jolynda sáttilik tiledi.
Eske sala keteiik, budan buryn Qazaqstan quramasynyń shabýylshysy Roman Mýrtazaevtyń «Astanadan» ketkenin jazǵan bolatynbyz.
