بٷگٸن تٷركٸستان قالاسىنداعى «Olympic center» سپورت سارايىندا العاش رەت قازاق كٷرەسٸنەن «Turan Barysy» ازييا كۋبوگى ٶز مەرەسٸنە جەتتٸ.
جارىسقا تٷركٸ مەملەكەتتەرٸ ۇيىمىنىڭ مٷشەلەرٸ – تٷركييا, ٶزبەكستان, ەزەربايجان, قىرعىزستان, ماجارستان جەنە قازاقستان بالۋاندارى قاتىسىپ, ٶزارا مىقتىلارىن انىقتادى. سايىستىڭ اشىلۋ سالتاناتىندا تٷركٸستان وبلىسىنىڭ ەكٸمٸ دارحان ساتىبالدى قاتىسۋشىلاردى قۇتتىقتادى.
دٷبٸرلٸ سىندا بالۋاندار ەكٸ توپقا بٶلٸنٸپ, اينالمالى جٷيەدە كٷرەستٸ. ەكٸ توپتان ٸرٸكتەلگەن ەزەربايجان, قىرعىزستان, ٶزبەكستان, قازاقستان قۇراما كوماندالارى جٷلدەلٸ ورىندارعا تالاستى.
ەزٸربايجان ەلٸنٸڭ بالۋاندارىن قاپى قالدىرعان قىرعىز ٶرەندەرٸ قولا جٷلدەنٸ يەلەندٸ. ال تارتىسقا تولى كٷرەس بەسەكەسٸنٸڭ اقتىق ايقاسى قازاقستان قۇراماسىمەن ٶزبەكستان ەلٸنٸڭ بالۋاندارى اراسىندا ٶتتٸ. ايتۋلى دودانىڭ اقتىق بەسەكەسٸندە 4:3 ەسەبٸمەن قازاقستان بالۋاندارى جەڭٸسكە جەتٸپ, Turan Barysy» دوداسىنىڭ جەڭٸمپازى اتاندى.
العاش رەت ۇيىمداستىرىلعان كٷرەس سايىسىندا بٸرٸنشٸ ورىن العان كوماندا 10 000 000 تەڭگە كٶلەمٸندە قارجىلاي سىيلىق السا, ەكٸنشٸ ورىنعا – 6 000 000, ٷشٸنشٸ ورىنعا – 4 000 000 تەڭگە قارجىلاي سىيلىق تابىستالدى.
ەستەرٸڭٸزگە سالا كەتسەك, ٸس-شارا قر مەدەنيەت جەنە سپورت مينيسترلٸگٸ مەن تٷركٸستان وبلىسى ەكٸمدٸگٸنٸڭ, سونداي-اق, «Qazaq kuresi» اسسوتسياتسيياسى, «Qazaqstan Barysy» قازاق كٷرەسٸن قولداۋ جەنە دامىتۋ قورىنىڭ ۇيىمداستىرۋىمەن ٶتتٸ. تۋرنيردٸڭ باس سەرٸكتەستەرٸ – «سامۇرىق-قازىنا» ۇەق اق جەنە «تۋريزم مەن سپورتتى قولداۋ جەنە دامىتۋ قورى».
تۋرنيردٸ «Qazsport» جەنە «TRT Avaz» تەلەارنالارى تٸكەلەي ەفيردە كٶرسەتتٸ.
