قازاقستاندىق كوماندالار قىتايعا جەتٸپ, وليمپيادالىق قالاشىقتارعا سەتتٸ ورنالاستى, دەپ حابارلايدى Olympic.kz.
ٶزدەرٸڭٸز بٸلەتٸندەي, قىسقى وليمپيادا ويىندارى ٷش كلاستەردە, اتاپ ايتقاندا, بەيجٸڭ, چجانتسزياكوۋ جەنە يانتسين ايماقتارىندا ٶتەدٸ.
مۇز ايدىندىنداعى بارلىق جارىس بەيجٸڭدە ٶتەدٸ. قىتاي استاناسىنداعى وليمپيادالىق قالاشىقتا كونكيمەن جٷگٸرۋ مەن شورت-ترەكتەن قازاقستان قۇرامالارى ورنالاستى. وليمپيادالىق كارتاداعى ەڭ الىس ايماق كٶرشٸ حەبەي پروۆينتسيياسىندا ورنالاسقان تاۋلى چجانتسزياكوۋ بولدى. وندا فريستايل-موگۋل, ترامپليننەن شاڭعىمەن سەكٸرۋ, شاڭعى جارىسى جەنە شاڭعى قوسسايىسى بويىنشا قۇراما كوماندالار جاعاستى. ال يانتسيندە تاۋ شاڭعىسىنىڭ سپورتشىلارى ورنالاستى.
«بەيجٸڭگە كەلٸپ, مٸندەتتٸ پتر سىناقتارىنان ٶتكەننەن كەيٸن بٸردەن وليمپيادالىق قالاشىقتارىنا باردىق. بەيجٸڭ مەن چجانتسزياكوۋ اراسىنداعى جول 3 ساعاتقا سوزىلادى. بٸزدٸڭ فريستايل-موگۋل, ترامپليننەن شاڭعىمەن سەكٸرۋ جەنە شاڭعى قوسايىسى قۇراما كوماندالار وسىندا بولدى. باسقا كوماندالاردى كٷتەمٸز. بەرٸ ويداعىداي. مۇندا اۋا رايى كٷن اشىق بولعانىمەن, سۋىقتاۋ. ال سپورتشىلاردىڭ كٶڭٸل كٷيٸ بٸرقالىپتى, جاقسى.
بٸزدٸڭ قالاشىققا ورنالاسۋىمىز حالىقارالىق وليمپيادا كوميتەتٸنٸڭ پرەزيدەنتٸ توماس باحتىڭ وليمپيادالىق قالاشىققا ساپارىمەن تۇسپا-تۇس كەلدٸ. ول سپورتشىلارمەن تٸلدەسٸپ, الداعى جارىستاردا سەتتٸلٸك تٸلەدٸ. وليمپيادا ويىندارى – كەز كەلگەن سپورتشىنىڭ ٶمٸرٸندەگٸ ٶتە ماڭىزدى وقيعا. بۇل كەزدەسۋ بٸزدٸڭ سپورتشىلاردى بۇرىنعىدان دا قاناتتاندىرىپ, شابىتتاندىردى دەپ ويلايمىن», - دەپ اتاپ ٶتتٸ قازاقستان رەسپۋبليكاسى ۇلتتىق شاڭعى قاۋىمداستىعىنىڭ باس حاتشىسى اسقار ۆاليەۆ.
كەزدەسۋ بارىسىندا وليمپيادالىق دەستٷر دە ساقتالىپ, حوك باسشىسى سپورتشىلارمەن ەستەلٸك تٶسبەلگٸلەرٸمەن الماستى.
«وليمپيادالىق قالاشىققا كەلگەندەگٸ سەزٸمٸم ەرەكشە, ونى سٶزبەن ايتىپ جەتكٸزۋ مٷمكٸن ەمەس. مۇندا بارلىعى ٶتە جوعارى دەرەجەدە ۇيىمداستىرىلعان. كوماندامىز دا ٶز كەزەگٸندە بۇل ستارتقا تاس تٷيٸن دايىن. جان-جاقتى, پسيحولوگييالىق جەنە فيزيكالىق تۇرعىدان دايىندالدى. العاشقى كٷنٸ-اق حوك باسشىسى توماس باحپەن كەزدەستٸك. ول ماعان بٸر-ەكٸ سيمۆولدىق سۇراق قويىپ, كٶڭٸل-كٷيٸمدٸ, قوبالجۋ بار-جوعىن سۇرادى. سونداي-اق, ەرينە, سەتتٸلٸك تٸلەدٸ», - دەپ بٶلٸستٸ بٸزبەن فريستايل-موگۋلدان قازاقستان قۇراماسىنىڭ مٷشەسٸ اناستاسييا گورودكو.
ايتا كەتەيٸك, وليمپياداعا قازاقستان قۇراماسىنىڭ سپورتشىلارىنىڭ ٸشٸندە بٸرٸنشٸ بولىپ جارىس جولىنا موگۋلشىلار شىعادى. موگۋل بويىنشا ٸرٸكتەۋ جارىستارى وليمپيادا ويىندارىنىڭ اشىلۋ سالتاناتىنا دەيٸن, 3 اقپاندا ٶتەدٸ.
