بٷگٸن فۋتبولدان قازاقستان كۋبوگى توپتىق كەزەڭٸنٸڭ ٷشٸنشٸ تۋرى اياقتالدى, دەپ حابارلايدى "ۇلت اقپارات".
قاراعاندىنىڭ «شاحتەرٸ» ٶز الاڭىندا ەلوردالىق سديۋسشور №8 كومانداسىن 7:1 ەسەبٸمەن تاس-تالقان ەتٸپ جەڭدٸ. قاراعاندىلىق كلۋب ساپىنان ورالحان ٶمٸرتاەۆ 16, 42, ايدوس تەتتٸباەۆ 19, 55, جان-ەلي پايرۋز 46, 59-مينۋتتاردا قوس گولدان سوقسا, ەۆگەنيي شيكاۆكا 62-مينۋتتا ەسەپتٸ ٷستەمەلەي تٷستٸ. وعان ەلوردالىق كوماندادان 83-مينۋتتا كاريم سمىكوۆ جالعىز گولمەن جاۋاپ قايىردى.
اقتاۋدىڭ «كاسپيي» جەنە تالدىقورعاننىڭ «جەتٸسۋ» اراسىنداعى كەزدەسۋ تاعدىرىن جالعىز گول شەشتٸ. ونى اقتاۋلىق كلۋبتان ۋادجدي سالي 76-مينۋتتا ٶزٸنٸڭ ەنشٸسٸنە جازدى. وسىلايشا «كاسپيي» 1:0 ەسەبٸمەن باسىم تٷستٸ.
ەلوردالىق «استانا» ٶز الاڭىندا ورالدىڭ «اقجايىعىن» 1:0 ەسەبٸمەن جەڭدٸ. جالعىز گولدى ەلوردالىق ابات ايىمبەتوۆ سوقتى.
قوستانايدىڭ «توبىلى» ٶز الاڭىندا تٷركٸستاننىڭ «ماقتارال» كومانداسىنا 3:4 ەسەبٸمەن جول بەردٸ. بٸرٸنشٸ ليگادا دوپ تەبەتٸن تٷركٸستاندىق كلۋب ساپىنان ۆلاديمير سەدەلنيكوۆ 8, ەدٸگە ورالباي 11, راشيد ليۋحاي 17-مينۋتتاردا قاتارىنان ٷش گول سوعىپ كەتتٸ. ودان كەيٸن قوستانايلىق كوماندادان سەرٸكجان مۋجيكوۆ 30, (1:3), جاسلان جۋماشەۆ 69-مينۋتتاردا ەسەپ ايىرماسىن قىسقارتسا, «ماقتارال» ساپىنان ديەرجون اريپوۆتىڭ اۆتوگولىنان كەيٸن تارازى باسى تەڭەستٸ. كەزدەسۋ تاعدىرىن شەشكەن گولدى 91-مينۋتتا مەدي قاسەيٸن سوعىپ كەتتٸ. نەتيجەسٸندە «ماقتارال» ازۋلى قارسىلاسىن 4:3 ەسەبٸمەن تٸزە بٷكتٸردٸ.
سونداي-اق, 24 شٸلدەدە «قىزىلجار» مەن «ورداباسى» 1:1 ەسەبٸمەن تەڭ تٷستٸ. سىرت الاڭدا «تۇران» «قايراتتى» 1:0, «قايسار» «اقتٶبەنٸ», «تاراز» «اتىراۋدى» 2:1 ەسەبٸمەن جەڭٸپ كەتتٸ.
