كٶركەم گيمناستيكادان تاشكەنتتە ٶتٸپ جاتقان ليتسەنزييالىق ازييا چەمپيوناتىندا قازاقستاندىق الينا ەدٸلحانوۆ چەمپيون اتانىپ, توكيو وليمپياداسىنا جولداما الدى, دەپ حابارلايدى "ۇلت اقپارات".
قر ۇلتتىق وليمپيادا كوميتەتٸنەن مەلٸم ەتكەندەي, الينا ەدٸلحانوۆا كٶپسايىس قورىتىندىسى بويىنشا 95.15 ۇپاي جيناپ, جەڭٸسكە جەتتٸ. ەكٸنشٸ جەنە ٷشٸنشٸ ورىندى ٶزبەكستاندىقتار تاحمينا يكروموۆا (92.90) مەن ەكاتەرينا فەتيسوۆا (90.85) يەلەنگەن.
قازاقستان اتىنان سىنعا تٷسكەن تاعى بٸر سپورتشىمىز اديليا تٸلەكەنوۆا جەتٸنشٸ ورىنعا تابان تٸرەدٸ.
حالىقارالىق گيمناستيكا فەدەراتسيياسى ليتسەنزييالىق ازييا بٸرٸنشٸلٸگٸن ٶتكٸزۋدٸ سوڭعى سەتتە شەشٸپ, تۋرنير 6 ماۋسىمدا باستالعان بولاتىن.
جارىس ەرەجەسٸ بويىنشا, تەك جەڭٸمپاز اتانعان سپورتشىعا وليمپيادا جولداماسى تابىستالادى.
وسىلايشا, سارى قۇرلىقتان توكيو ويىندارىنا بەرٸلەتٸن جالعىز ليتسەنزييانى الينا ەدٸلحانوۆا ەنشٸلەپ وتىر. بۇعان دەيٸن الينا جەكەلەي سىندا ٶنەر كٶرسەتٸپ, دوپ جەنە شىعىرشىق جاتتىعۋىندا كٷمٸس, ۇرشىقپەن جاتتىعۋدا التىن جٷلدە جەڭٸپ الدى.
الينا ەدٸلحانوۆا 2001 جىلى 26 قاڭتاردا دٷنيەگە كەلگەن. 2018 جىلعى ازييا ويىندارىندا كوماندالىق جەنە جەكەلەي سىندا التىن جٷلدەگەر اتانعان.
ايتا كەتەيٸك, بٷگٸنگە دەيٸن قازاقستان سپورتتىڭ 25 تٷرٸنەن وليمپياداعا 63 جولداما جەڭٸپ الدى.
