فوتو: اشىق دەرەككٶز
Tongcheng Travel ٸرٸ ونلاين-تۋريستٸك كومپانيياسىنىڭ دەرەكتەرٸنە سەيكەس, بٸزدٸڭ ەلٸمٸز قحر-دا ۇلتتىق كٷن مەن كٷزدٸڭ ورتاسى مەرەكەسٸن اتاپ ٶتۋگە ارنالعان 8 كٷندٸك دەمالىستا حالىقارالىق قوناق ٷيلەردٸ برونداۋدىڭ ەڭ جوعارى ٶسٸمٸ بايقالعان 5 شەتەلدٸك باعىتقا كٸردٸ, دەپ حابارلايدى Ult.kz.
بيىل قىتايدا شەتەلگە ۇزاقمەرزٸمدٸ توپتىق تۋرلارعا قىزىعۋشىلىق ارتىپ كەلەدٸ. ولاردىڭ سانى جىلدىق كٶرسەتكٸشپەن سالىستىرعاندا ەكٸ ەسەگە جۋىق ٶستٸ. مەرەكە كٷندەرٸ قحر تۋريستەرٸ تاراپىنان ورتالىق ازييا, تاياۋ شىعىس جەنە افريكانىڭ بٸرقاتار ەلدەرٸندە حالىقارالىق قوناق ٷيلەردٸ برونداۋ ەدەۋٸر كٶبەيگەنٸ بايقالادى. سۇرانىستىڭ ٶسٸمٸ بويىنشا كٶشباسشىلار بەستٸگٸنە ساۋد ارابيياسى, ەگيپەت, جاڭا زەلاندييا, قازاقستان جەنە بٸرٸككەن اراب ەمٸرلٸكتەرٸ كٸردٸ.
"قازاقستان قىتاي اۋديتوريياسى ٷشٸن تارتىمدى باعىتقا اينالۋدا. بيىلعى 9 ايدا عانا ەلٸمٸزگە قحر كەلۋشٸلەر قاتارى 675 مىڭنان استى. ال ٶتكەن جىلدىڭ 12 ايىندا بۇل كٶرسەتكٸش 655 مىڭ ادامدى قۇراعان بولاتىن. بۇل — ەلٸمٸزگە دەگەن جوعارى قىزىعۋشىلىقتى جەنە قىتايدىڭ تۋريستٸك نارىعىندا ەلٸمٸزدٸ ٸلگەرٸلەتۋ, ۆيزالىق رەسٸمدەردٸ جەڭٸلدەتۋ جەنە ەكٸ ەل اراسىنداعى تٸكەلەي ەۋە قاتىناستارىن كەڭەيتۋ بويىنشا جٷيەلٸ جۇمىستىڭ تيٸمدٸلٸگٸن كٶرسەتەدٸ", — دەدٸ "Kazakh Tourism" ۇك" اق باسقارما تٶراعاسىنىڭ مٸندەتٸن اتقارۋشى دانيەل سەرجانۇلى.
اتاپ ٶتكەن جٶن, قحر ٸرٸ ٸزدەۋ جٷيەسٸ Baidu دەرەكتەرٸنە سەيكەس, 2025 جىلعى قىركٷيەكتە قازاقستان جايلى ٸزدەنٸستەر سانى تەۋلٸگٸنە ورتا ەسەپپەن 420–430 مىڭدى قۇراعان. ەڭ جوعارى بەلسەندٸلٸك گۋاندۋن مەن چجەتسزيان پروۆينتسييالارىندا, بەيجٸڭ قالاسىندا, شىڭجاڭ-ۇيعىر اۆتونومييالىق اۋدانىندا جەنە شاندۋن پروۆينتسيياسىندا بايقالدى. بۇل قازاقستانعا دەگەن قىزىعۋشىلىق شەكارا ماڭىنداعى اۋماقتارمەن شەكتەلمەي, قىتايدىڭ ەكونوميكالىق تۇرعىدان دامىعان ٶڭٸرلەرٸن دە قامتىعانىن كٶرسەتەدٸ.
