حوككەيدەن ۋنيۆەرسيادا ويىندارىنا قاتىسىپ جاتقان قازاقستاننىڭ ەرلەر قۇراماسى فينالعا شىقتى. وتانداستارىمىز جارتىلاي فينالدا چەح ەلٸنٸڭ حوككەيشٸلەرٸنەن ايلاسىن اسىردى.
قازاقستان مەن چەحييا قۇرامالارى توپتىق كەزەڭدە دە ويناعان بولاتىن. ول ويىندا وتانداستارىمىز قارسىلاستارىن 8:0 ەسەبٸمەن ۇتقان ەدٸ. بٷگٸن سەرگەي ستارىگيننٸڭ شەكٸرتتەرٸ قارسىلاستارىن 4:1 ەسەبٸمەن ۇتتى.
بٸرٸنشٸ كەزەڭدە چەح حوككەيشٸلەرٸ شيراق وينادى. 17 مينۋتتا بٸرٸنشٸ بولىپ شايبا سوعىپ, العا شىقتى. ال قازاقستان حوككەيشٸلەرٸ ۋنيۆەرسيادا ويىندارىنداعى العاشقى شايباسىن قاقپالارىنا كٸرگٸزٸپ الدى. دەگەنمەن اراعا بٸرەر مينۋت سالا وتانداستارىمىز تارازى باسىن تەڭەستٸردٸ. دانيەل ارنوست سوققان شايباعا كونستانتين ساۆەنكوۆ جاۋاپ قاتتى.
ەكٸنشٸ كەزەڭ باسىندا دا چەحييا حوككەيشٸلەرٸ جيناقى وينادى. سەتٸ تٷسكەندە شابۋىلداۋمەن بولدى. 30 مينۋتتا دميتريي گرەنتتس شايبا سوعىپ, قازاقستاندى العا شىعاردى. جانكٷيەرلەر قولداۋىمەن جەلپٸنە تٷسكەن قازاقستاندىق حوككەيشٸلەر اراعا بٸرەر مينۋت سالا قارسىلاستار قاقپاسىنا ٷشٸنشٸ شايبانى توعىتتى. بۇل جولى پاۆەل اكولجيننٸڭ الىستان باعىتتاعان شايباسى قاقپا ٸشٸنەن تابىلدى.
ٷشٸنشٸ كەزەڭدە قازاقستان قۇراماسى تولىق باسىمدىعىن تانىتتى. 42 مينۋتتا الەكسەي انتيتسەفەروۆ تٶرتٸنشٸ شايبا اۆتورى اتانىپ, قازاقستانعا ايقىن جەڭٸس سىيلادى.
فينالدا قازاقستان حوككەيشٸلەرٸ رەسەيمەن كەزدەسەدٸ. ولار بٷگٸن جارتىلاي فينالدا كانادا حوككەيشٸلەرٸن 4:1 ەسەبٸمەن ۇتقان بولاتىن.
