I حالىقارالىق TurkicSkills-2025 كەسٸبي شەبەرلٸك چەمپيوناتى ٶز مەرەسٸنە جەتتٸ, دەپ حابارلايدى Ult.kz.
قازاقستان قۇراماسى جارىستىڭ باستى جەڭٸمپازى اتانىپ, تٷركٸ ەلدەرٸ اراسىندا تەحنيكالىق جەنە كەسٸپتٸك مامان دايارلاۋدا كٶشباسشى ەكەنٸن دەلەلدەدٸ.
ەلٸمٸزدٸڭ جٷلدە قورجىنى 6 التىن, 2 كٷمٸس مەدال جەنە 1 «ٷزدٸك مەدالونمەن» تولىقتى. بۇل جەڭٸس مەملەكەت باسشىسىنىڭ تاپسىرماسىنا سەيكەس «جۇمىسشى ماماندىقتار جىلى» اياسىنداعى رەفورمالاردىڭ نەتيجەلٸ جٷزەگە اسىپ جاتقانىن ايعاقتايدى.
ەستەرٸڭٸزگە سالا كەتەيٸك, 4-9 قازان ارالىعىندا اقتاۋ قالاسىندا جۇمىسشى ماماندىقتار جىلى اياسىندا ٶتكەن TurkicSkills-2025 چەمپيوناتىنا تٷركييا, ەزەربايجان, ماجارستان, ٶزبەكستان, قىرعىزستان جەنە قازاقستاننان 70-كە جۋىق كوللەدج ستۋدەنتتەرٸ مەن جاس مامان قاتىستى. ولار ينجەنەرييا, اقپاراتتىق تەحنولوگييالار, ٶندٸرٸس, روبوتوتەحنيكا جەنە قىزمەت كٶرسەتۋ سالالارىن قامتيتىن 10 قۇزىرەتتٸلٸك بويىنشا باق سىنادى.
جارىستىڭ جابىلۋ رەسٸمٸندە سٶز سٶيلەگەن قر وقۋ-اعارتۋ ۆيتسە-مينيسترٸ اسىلبەك احمەتجانوۆ بۇل چەمپيوناتتىڭ تٷركٸتٸلدەس مەملەكەتتەردٸڭ تەحنيكالىق جەنە كەسٸپتٸك بٸلٸم بەرۋ ۇيىمدارىنىڭ اراسىندا قازاقستاننىڭ باستاماسىمەن العاش رەت اۋقىمدى تٷردە ۇيىمداستىرىلعانىن اتاپ ٶتتٸ.
«TurkicSkills چەمپيوناتى – تٷركٸتٸلدەس مەملەكەتتەر اراسىنداعى تەحنيكالىق جەنە كەسٸپتٸك ۇيىمدار ىنتىماقتاستىعىنىڭ جاڭا كەزەڭٸنە جول اشاتىن ماڭىزدى شارا. بۇل كٷندەر دوستىق پەن ٶزارا تٷسٸنٸستٸكتٸڭ, ىنتىماقتاستىق پەن تەجٸريبە الماسۋدىڭ جارقىن ٷلگٸسٸنە اينالدى», - دەپ اتاپ ٶتتٸ ۆيتسە-مينيستر.
WorldSkills International كەڭەسٸنٸڭ مٷشەسٸ رەي ينگليش قازاقستاننىڭ حالىقارالىق دەڭگەيدەگٸ ەلەۋەتٸن ەرەكشە اتاپ ٶتتٸ.
«چەمپيوناتىنىڭ اۋقىمى مەن ۇيىمداستىرىلۋ ساپاسى – قازاقستاننىڭ ەلەمدٸك دەڭگەيدەگٸ كەسٸبي شەبەرلٸك سايىستارىن ٶتكٸزۋگە تولىق دايىن ەكەنٸن كٶرسەتەدٸ. بۇل تەجٸريبە بولاشاقتا WorldSkills نەمەسە WorldSkills Europe سيياقتى حالىقارالىق جارىستاردى قابىلداۋعا مٷمكٸندٸك بەرەدٸ», – دەدٸ ول.
چەمپيوناتتى تاماشالاۋعا 5 مىڭنان استام ادام كەلدٸ, كوللەدجدەر مەن كەسٸپورىندار اراسىندا 100-گە جۋىق ىنتىماقتاستىق مەموراندۋمى جاسالدى.
