قازاقستان حالىقارالىق ەۋە رەيستەرٸنٸڭ سانىن قىسقارتتى. بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ بريفينگتە قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ بەرٸك كاماليەۆ ايتتى, دەپ حابارلايدى "ۇلت اقپارات".
«كوروناۆيرۋستىڭ قازاقستان اۋماعىندا ودان ارى تارالۋىنا جول بەرمەۋ ماقساتىندا ۆەدومستۆوارالىق كوميسسييانىڭ شەشٸمٸنە سەيكەس, بٸر اپتا ٸشٸندەگٸ 49 تۇراقتى حالىقارالىق رەيس پەن 84 حالىقارالىق رەيس قىسقارتىلدى», - دەدٸ ۆيتسە-مينيستر.
ونىڭ اتاپ ٶتۋٸنشە, قازاقستان مەن قىتاي, يران, ەزەربايجان اراسىنداعى تۇراقتى رەيستەر توقتالدى. «Lufthansa» كومپانيياسى دا قازاقستانعا رەيستەرٸن ٶز ەركٸمەن توقتاتىپ وتىر.
«بٸز 16 ناۋرىزدان قازاقستاندىق Air Astana, Scat ەۋە كومپانييالارىنىڭ, شەتەلدٸك Turkish Airlines, Fly Dubai, Etihad Airways, Air Arabia, Wizz Air, LOT Polish Airlines, بەلاۆيا ەۋە كومپانييالارىنىڭ گەرمانييا, ۇلىبريتانييا, نيدەرلاندى, تٷركييا, ۋكراينا, بەلارۋس, باە, گرۋزييا, ٷندٸستان, ۆەنگرييا, چەحييا, پولشاعا 68 تۇراقتى ەۋە رەيسٸن قىسقارتتىق. سونىمەن قاتار Scat كومپانيياسىنىڭ نۇر-سۇلتان-انتالييا, الماتى-انتالييا تۇراقتى رەيستەرٸ دە قىسقاردى», - دەدٸ بەرٸك كاماليەۆ.
