قازاقستان حالقىنىڭ سانى 18 ملن 917 مىڭنان استى. بۇل تۋرالى قر ستراتەگييالىق جوسپارلاۋ جەنە رەفورمالار اگەنتتٸگٸنٸڭ ۇلتتىق ستاتيستيكا بيۋروسىنان مەلٸم ەتتٸ, دەپ حابارلايدى "ۇلت اقپارات".
«2021 جىلعى 1 ناۋرىزدا ەلٸمٸزدەگٸ حالىق سانى 18 917,2 مىڭ ادامدى قۇرادى. ونىڭ ٸشٸندە قالالىقتار – 11 187,2 مىڭ (59,1%), اۋىلدىقتار – 7 730,0 مىڭ ادام (40,9%). 2020 جىلعى 1 ناۋرىزبەن سالىستىرعاندا حالىق سانى 245,3 مىڭ ادامعا نەمەسە 1,3 پايىز ٶستٸ», - دەلٸنگەن بيۋرو اقپاراتىندا.
ۆەدومستۆو مەلٸمەتٸنشە, 2021 جىلعى قاڭتار-اقپاندا رەسپۋبليكا حالقىنىڭ تابيعي ٶسٸمٸ 2020 جىلعى قاڭتارمەن سالىستىرعاندا (42,0 مىڭ ادام) 0,2 پايىزعا ارتىپ, 42,1 مىڭ ادامدى قۇرادى. تابيعي ٶسٸمنٸڭ جالپى كوەففيتسيەنتٸ 1000 ادامعا شاققاندا - 13,71 ادام.
احات ورگاندارى ۇسىنعان ازاماتتىق حال اكتٸلەرٸ جازبالارىنداعى مەلٸمەتتەردٸ ٶڭدەۋ نەتيجەسٸندە, 2021 جىلعى قاڭتار-اقپاندا تۋعاندار سانى 65,7 مىڭ ادامدى قۇرادى. بۇل 2020 جىلعى قاڭتار-اقپانعا (64,7 مىڭ ادام) قاراعاندا 1,6 پايىزعا كٶپ. تۋۋدىڭ جالپى كوەففيتسيەنتٸ - 1000 ادامعا 21,41 تۋعانعا تەڭ.
قاراستىرىلىپ وتىرعان كەزەڭدە قايتىس بولعاندار سانى - 23,7 مىڭ. بۇل 2020 جىلعى قاڭتار-اقپانعا (22,7 مىڭ ادام) قاراعاندا 4,2 پايىزعا كٶپ. ٶلٸم-جٸتٸمنٸڭ جالپى كوەففيتسيەنتٸ 1000 ادامعا 7,70 قايتىس بولعاندى قۇرايدى.
2021 جىلعى قاڭتار-اقپاندا رەسپۋبليكادا 1 جاسقا تولماعان 517 نەرەستە شەتٸنەگەن. 2020 جىلعى تيٸستٸ كەزەڭمەن سالىستىرعاندا سەبي ٶلٸمٸ (583 شەتٸنەگەن) 11,3 پايىزعا ازايدى.
