قازاقستاندا 1 شٸلدە كٷنگٸ جاعداي بويىنشا حالىق سانى 18 ميلليون 507,9 مىڭ ادامعا جەتتٸ, دەپ حابارلايدى "ۇلت اقپارات".
2018 جىلدىڭ 1 شٸلدەسٸنەن بەرٸ قازاقستاندىقتاردىڭ قاتارى 235,5 مىڭ ادامعا (1,3%) كٶبەيدٸ.
ستاتيستيكا كوميتەتٸنٸڭ مەلٸمەتٸنە سەيكەس, قالا حالقىنىڭ سانى 10 ميلليون 816,6 مىڭ ادام بولدى. بۇل – بارلىق قازاقستاندىقتىڭ 58,2 پروتسەنتٸ. قالعان 41,8 پروتسەنتٸ – 7 ميلليون 726,3 مىڭ ادام اۋىلدا تۇرادى.
بيىل التى ايدىڭ ٸشٸندە 1 جاسقا دەيٸن قايتىس بولعان بالالاردىڭ سانى 1 702 ادام بولدى. بىلتىر تۋرا وسى كەزەڭدە 1 626 بالا كٶز جۇمعان. وسىلايشا, بالا ٶلٸمٸ 4,7 پروتسەنتكە ارتىپ وتىر. نەگٸزگٸ سەبەپتەرٸ – پەريناتالدىق كەزەڭدەگٸ جاعدايلار (881 بالا), تۋا بٸتكەن اۋىتقۋلار (337 بالا), تىنىس الۋ مٷشەلەرٸنٸڭ اۋرۋلارى (131 بالا), سونداي-اق, ۋلانۋ, جاراقات الۋ مەن جازاتايىم وقيعالار (60 بالا).
كٶشٸ-قون سالاسىندا قازاقستانعا كەلەتٸندەرگە قاراعاندا, كەتەتٸندەر كٶپ بولىپ تۇر. كەلگەن ادامداردىڭ سانى 11,3 پروتسەنتكە ازايسا, كەتٸپ قالعاندار, كەرسٸنشە, 16,9 پروتسەنتكە ارتتى. وسى ازاماتتاردىڭ باسىم بٶلٸگٸ تمد اۋماعىندا كٶشٸپ جٷرەدٸ. ال قازاقستاننىڭ ٸشكٸ كٶشٸ-قونى 22,7 پروتسەنتكە كٶبەيدٸ.
