قازاقستان حالقىنىڭ سانى 2019 جىلدىڭ 1 مامىرى بويىنشا 18 ملن 468 مىڭ 900 ادامعا جەتٸپ, 2018 جىلدىڭ 1 مامىرىنان بەرٸ 239 900 ادامعا ارتتى, دەپ حابارلايدى ۇلتتىق ەكونوميكا مينيسترلٸگٸ ستاتيستيكا كوميتەتٸ.
تارقاتا ايتقاندا, قازاقستانداعى قالالار حالقىنىڭ سانى 10 ملن 751,4 مىڭ ادامدى (جالپى, حالىق سانىنىڭ 58,2 پايىزى), اۋىل حالقى 7 ملن 717,5 مىڭ ادامدى قۇراعان.
وسى جىلدىڭ قاڭتار-سەۋٸر ايلارىندا رەسپۋبليكادا 1 جاسقا دەيٸنگٸ 1 138 بالا شەتٸنەگەن (ٶتكەن جىلدىڭ قاڭتار-سەۋٸر ايلارىندا 1 095 بالا). بالا ٶلٸمٸنە نەگٸزٸنەن پەريناتالدى كەزەڭدەگٸ جاعدايلار سەبەپ بولىپ جاتادى. وسى سەبەپتەر بويىنشا قاڭتار-سەۋٸر ارالىعىندا 584 بالا كٶز جۇمعان (ٶتكەن جىلدىڭ ۇقساس كەزەڭٸندە 506). انومالييامەن تۋعان بالالاردىڭ 223-ٸ (ٶتكەن جىلدىڭ ۇقساس كەزەڭٸندە 239) ٶمٸردەن ٶتتٸ. تىنىس الۋ مٷشەسٸنٸڭ اۋرۋىنان 92 بالا, قايعىلى جاعدايلار مەن ۋلانۋدان, جاراقاتتاردان 37 بالا جان تاپسىرعان.
وسى جىلدىڭ قاڭتار-سەۋٸر ايلارىنىڭ ارالىعىندا قازاقستانعا كەلۋشٸلەردٸڭ سانى 10,8 پايىزعا ازايىپ, كەتكەن ازاماتتاردىڭ سانى 23,4 پايىزعا ارتتى. ميگراتسييالىق اعىن كٶبٸنەسە تمد ەلدەرٸنە قاتىستى بولىپ وتىر. تمد-دان كەلگەن جەنە كەتكەندەردٸڭ ٷلەسٸ 83,4 پايىز جەنە 89 پايىزدى قۇرادى.
ەل ٸشٸندەگٸ ميگراتسييا 15,7 پايىزعا كٶبەيدٸ. ايماقارالىق سيپاتتا وڭ سالدو ەلدٸڭ تٶرت وبلىسىندا ماڭعىستاۋ وبلىسى (579), شىمكەنت قالاسى (2 768), نۇر-سۇلتان (8 463) مەن الماتى (9 363) قالالارىندا بايقالادى.
