ەلەمنٸڭ تٷرلٸ ەلدەرٸندەگٸ كٶرەرمەن قاۋىم, ونىڭ ٸشٸندە برازيلييا, ارگەنتينا, بوليۆييا, ۆەنەسۋەلا, كولۋمبييا, پاراگۆاي, پەرۋ, ۋرۋگۆاي, چيلي, ەكۆادور, سونداي-اق رەسەي, پولشا, بەلگييا, سينگاپۋر, شۆەتسييا مەن اۆسترالييادا مەكەندەيتٸن وتانداستارىمىز قازاقستان حالقىنىڭ بٸرلٸگٸ مەرەكەسٸ اياسىندا «استانا وپەرا» تەاترىنىڭ ەكسكليۋزيۆتٸ سپەكتاكلدەرٸن تاماشالاي الادى.
بۇل تۋرالى تەاتردىڭ باسپاسٶز قىزمەتٸ حابارلادى.
وپەرا جەنە بالەت سپەكتاكلدەرٸنٸڭ ونلاين كٶرسەتٸلٸمٸ ەلوردالىق تەاتردىڭ YouTube پلاتفورماسىندا كٶرسەتٸلەدٸ, سونىمەن قاتار تاراتىلىمنىڭ ۋاقىتى مەن كٷنٸ تۋرالى تولىق اقپاراتتى ەلەمنٸڭ 16 ەلٸندەگٸ قازاقستان رەسپۋبليكاسى ەلشٸلٸگٸنٸڭ ٶكٸلدەرٸ تاراتىن بولادى.
- ادامداردى مەدەنيەت سيياقتى ەشنەرسە توپتاستىرىپ, بٸرٸكتٸرە المايدى, سوندىقتان بٸز قازاقستان حالقىنىڭ بٸرلٸگٸ كٷنٸ ەلەمنٸڭ ەر بۇرىشىندا سپەكتاكلدەرٸمٸزدٸڭ ونلاين كٶرسەتٸلٸم جوباسىن جٷزەگە اسىرۋ تۋرالى شەشٸم قابىلدادىق. وعان 16 ەل قاتىسادى, العاشقىلاردىڭ بٸرٸ بولىپ قازاقستان رەسپۋبليكاسىنىڭ رەسەي, برازيلييا, پولشا مەن شۆەتسيياداعى ەلشٸلٸكتەرٸ كەلٸسٸم بٸلدٸردٸ. ونلاين-افيشاعا 5 سپەكتاكل ەندٸ – 28 سەۋٸر كٷنٸ ٶتەتٸن ا.اداننىڭ «كورسار» بالەتٸ, كەلەسٸ كٷنٸ جۇرتشىلىق نازارىنا پ.ي.چايكوۆسكييدٸڭ «اققۋ كٶلٸ» تانىمال بالەتٸ ۇسىنىلماق, وپەرا ٶنەرٸن سٷيەر قاۋىم ٷشٸن 30 سەۋٸرگە دج. پۋچچينيدٸڭ «تۋراندوت» سپەكتاكلٸن ەزٸرلەدٸك. ال 1 جەنە 2 مامىر كٷندەرٸ حالىقارالىق اۋديتورييامىزدى ەلەمدٸك حورەوگرافييا جاۋھارلارى – ل.مينكۋستىڭ «دون كيحوت» جەنە ا.اداننىڭ «كورسار» بالەتتەرٸمەن قۋانتپاقپىز, - دەدٸ قازاقستاننىڭ ەڭبەك سٸڭٸرگەن قايراتكەرٸ, «استانا وپەرا» تەاترىنىڭ ديرەكتورى عالىم احمەدياروۆ.
- ەلٸمٸزدٸڭ بارلىق تۇرعىندارىن تاماشا, جارقىن ەرٸ ٸزگٸ مەرەكە – قازاقستان حالقىنىڭ بٸرلٸگٸ كٷنٸمەن شىن جٷرەكتەن قۇتتىقتايمىن. وسى كٷنٸ ەربٸر وتباسىنا مىقتى دەنساۋلىق, اماندىق, بەيبٸتشٸلٸك پەن گٷلدەنۋ تٸلەگٸم كەلەدٸ. قازاقستان – شامامەن 125 ۇلت پەن ۇلىس مەكەن ەتكەن كٶپۇلتتى مەملەكەت. ەل تەۋەلسٸزدٸگٸنٸڭ 30 جىلى ٸشٸندە قازاقستاندىقتاردىڭ بەيبٸتشٸلٸك پەن كەلٸسٸمدە تۇرىپ جاتقاندىعى قۋانتادى. بارشامىزدىڭ مۋزىكاعا دەگەن ماحابباتىمىز بٸرلٸگٸمٸزدٸ ارتتىرا بەرسٸن, - دەپ سٶزٸن قورىتىندىلادى تەاتر ديرەكتورى.
بارلىق ونلاين كٶرسەتٸلٸمدەر شىعارىلعان كٷنٸ ساعات 00.00-دەن باستاپ كەلەسٸ كٷنٸ ساعات 9.00-گە دەيٸن تەاتردىڭ YouTube-ارناسىندا قازاقستان ەلشٸلٸكتەرٸنٸڭ رەسمي دەرەككٶزدەرٸندەگٸ سٸلتەمەلەر بويىنشا قولجەتٸمدٸ بولادى.
ونلاين سپەكتاكلدەردەن بٶلەك, ەلوردا تۇرعىندارى مەن قوناقتارىنا 1 مامىردا «استانا وپەرانىڭ» كامەرالىق زالى ساحناسىندا ٶتەتٸن «ماحاببات پەن دوستىق ٷنٸ» مەرەكەلٸك كونتسەرتٸ ۇسىنىلادى.
وعان وپەرا سوليستەرٸ مەن وركەستر ەرتٸستەرٸ قاتىسادى. باعدارلاماعا قوناقجاي قازاق جەرٸندە, بٸر شاڭىراق استىندا تاتۋ-تەتتٸ ٶمٸر سٷرٸپ كەلە جاتقان ۇلىستاردىڭ رومانستارى, حالىق ەندەرٸ, اسپاپتىق مۋزىكاسى ەنگەن. ۇلتتىق مۋزىكالىق دەستٷرلەردٸڭ سان الۋاندىعى كٶرەرمەندەرگە مەرەكەلٸك كٶڭٸل-كٷي سىيلايتىنى انىق.
كارانتين كەزٸندە تەاترعا كەلۋ «Ashyq» قوسىمشاسى ارقىلى جٷزەگە اسىرىلاتىندىعىن ەسكە سالامىز.
