قازاقستاندا كەيٸنگٸ 3 ايدا كوروناۆيرۋستان ەمدەلٸپ جاتقانداردىڭ سانى 2 ەسە ازايدى. بۇل تۋرالى قر دەنساۋلىق ساقتاۋ مينيسترٸنٸڭ بٸرٸنشٸ ورىنباسارى مارات شورانوۆ ٷكٸمەت وتىرىسىندا ايتتى, دەپ حابارلايدى قازاقپارات.
«رەسپۋبليكا بويىنشا 1 تامىزدان باستاپ ينفەكتسييالىق تٶسەكتەردٸڭ قامتىلۋى 56%-دان 33%-عا دەيٸن, رەانيماتسييالىق تٶسەكتەردٸڭ قامتىلۋى 45%-دان 27%-عا دەيٸن تٶمەندەدٸ. رەزەرۆتە 30 مىڭنان استام تٶسەك-ورىن بار.
ەمدەۋدٸ جالعاستىرۋشىلار سانى ازايدى, سوڭعى ٷش ايدا ناۋقاستار سانى 2 ەسە ازايدى (90 767 ناۋقاستان 43 397 ناۋقاسقا دەيٸن)», - دەدٸ بٸرٸنشٸ ۆيتسە-مينيستر.
ونىڭ مەلٸمەتٸ بويىنشا, COVID-19 ينفەكتسيياسىنا قارسى ۆاكتسينامەن جالپى حالىقتىڭ 40,2 پايىزى قامتىلعان.
«ەكپەنٸڭ 1-كومپونەنتٸمەن 8 ميلليون 300 مىڭنان استام ادام ەگٸلدٸ, ەگٸلۋگە تيٸستٸ حالىقتىڭ 73,4% نەمەسە جالپى حالىقتىڭ 44,3% قامتىلدى, 2-كومپونەنتپەن 7 ميلليون 600 مىڭعا جۋىق ادام ۆاكتسينالاندى. بۇل - ەگٸلۋگە تيٸستٸ حالىقتىڭ 66,6% نەمەسە جالپى حالىقتىڭ 40,2%», - دەدٸ مارات شورانوۆ.
