Qazaqstanda keiingi 3 aida koronavirýstan emdelip jatqandardyń sany 2 ese azaidy. Bul týraly QR Densaýlyq saqtaý ministriniń birinshi orynbasary Marat Shoranov Úkimet otyrysynda aitty, dep habarlaidy QazAqparat.
«Respýblika boiynsha 1 tamyzdan bastap infektsiialyq tósekterdiń qamtylýy 56%-dan 33%-ǵa deiin, reanimatsiialyq tósekterdiń qamtylýy 45%-dan 27%-ǵa deiin tómendedi. Rezervte 30 myńnan astam tósek-oryn bar.
Emdeýdi jalǵastyrýshylar sany azaidy, sońǵy úsh aida naýqastar sany 2 ese azaidy (90 767 naýqastan 43 397 naýqasqa deiin)», - dedi birinshi vitse-ministr.
Onyń málimeti boiynsha, COVID-19 infektsiiasyna qarsy vaktsinamen jalpy halyqtyń 40,2 paiyzy qamtylǵan.
«Ekpeniń 1-komponentimen 8 million 300 myńnan astam adam egildi, egilýge tiisti halyqtyń 73,4% nemese jalpy halyqtyń 44,3% qamtyldy, 2-komponentpen 7 million 600 myńǵa jýyq adam vaktsinalandy. Bul - egilýge tiisti halyqtyń 66,6% nemese jalpy halyqtyń 40,2%», - dedi Marat Shoranov.
