قورعا اۋدارىلعان قارجى اشىق جارييا ەتٸلٸپ, حالىق باقىلاپ وتىرا الادى. بۇل تۋرالى «قازاقستان حالقىنا» قورىنىڭ باسقارما تٶراعاسى بولات جەمٸشەۆ مەلٸم ەتتٸ, دەپ حابارلايدى قازاقپارات.
بولات جەمٸشەۆ ورتالىق كوممۋنيكاتسييالار قىزمەتٸندە ونلاين ٶتكەن باسپاسٶز مەسليحاتىنا قاتىسىپ, قور قىزمەتٸنە قاتىستى باستى جايتتاردى تارقاتىپ بەردٸ.
«قورعا تٷسكەن قاراجات كٶلەمٸن تۇراقتى تٷردە حالىققا جارييا ەتٸپ تۇرامىز. ونىڭ ٸشٸندە بيزنەس ٶكٸلدەرٸمەن قاتار ٸرٸ كومپانييالار دا بار. بۇعان دەيٸن 2 رەت قورعا قانداي كٶلەمدە اقشا تٷسٸپ جاتقانى تۋرالى اقپارات بەرگەن بولاتىنبىز. قايىرىمدىلىقتان بٶلەك, قورعا لوتەرەيا قىزمەتٸ وپەراتورلارىنان قاراجات تٷسەدٸ. سول سيياقتى ٷكٸمەتپەن انىقتالعان ۇتىس تٸگۋ ورتالىقتارى مەن باسقا دا تابىس كٶزٸنەن قاراجات اۋدارىلادى. بۇل جۇمىستى ەندٸ قولعا الامىز», - دەدٸ جەمٸشەۆ.
تٶراعانىڭ ايتۋىنشا, جەكە تۇلعالار قور قىزمەتٸنٸڭ جاندانۋىنا ەرٸكتٸ تٷردە قول ۇشىن سوزىپ جاتىر.
«بٸز بٸرەۋدٸ قيناپ, ەركٸنەن تىس اقشا اۋدارۋعا مەجبٷرلەۋگە قارسىمىز. قايىرىمدىلىق - ادامنىڭ ٶز قالاۋىمەن جاسالاتىن شارا. مەملەكەتتٸك ورگان قىزمەتكەرلەرٸنٸڭ قورعا اقشا جيناپ بەرۋٸنە قاتىستى شاعىمدى ەستٸپ جاتىرمىن. ەرينە, بٸز دە قارسىمىز. ەگەر ازامات ٶزٸ سولاي شەشٸپ, جاقسىلىق جاساۋ نيەتٸمەن اۋدارسا, وندا ٸس باسقا», - دەيدٸ ول.
