قازاقستان حالال ٶنٸمدەرٸن سەرتيفيكاتتاۋدى جٷرگٸزۋ قۇقىعى يە بولدى. مۇنداي رۇقسات بٸرٸككەن اراب ەمٸرلٸكتەرٸنٸڭ حالىقارالىق اككرەديتتەۋ ورتالىعىنان الىندى, دەپ حابارلايدى قازاقپارات.
قر پرەمەر-مينيسترٸنٸڭ ورىنباسارى - ساۋدا جەنە ينتەگراتسييا مينيسترٸ باقىت سۇلتانوۆتىڭ ايتۋىنشا, بٷگٸن بٸرٸككەن اراب ەمٸرلٸكتەرٸنٸڭ حالىقارالىق اككرەديتتەۋ ورتالىعى قازستاندارت زەرتحاناسىن اككرەديتتەۋ تۋرالى رەسمي قۇجات بەردٸ. قازستاندارت زەرتحاناسى, سونداي-اق حالال ٶنٸمدەرٸن سەرتيفيكاتتاۋ قۇقىعىنا يە بولدى.
«ەل ٸشٸندە حالال حالىقارالىق سەرتيفيكاتىن الۋ مٷمكٸندٸگٸ ەكسپورتتى ارتتىرۋعا ىنتالاندىرادى دەپ سەنەمٸن. ەگەر قازٸر كەسٸپورىندار حالال سەرتيفيكاتىن الۋ ٷشٸن (يمپورتتاۋشى ەلدە) بٸر پارتيياعا 7 مىڭنان 30 مىڭ دوللارعا دەيٸن جۇمساسا, قازاقستانداعى سەرتيفيكاتتاۋ قۇنى سەرييالىق ٶندٸرٸسكە 700 مىڭ تەڭگەدەن (1,5 مىڭ دوللار) باستالادى. بۇل زەرتحانانىڭ سەرتيفيكاتتاۋ نەتيجەلەرٸ پارسى شىعاناعىنداعى بارلىق اراب مەملەكەتتەرٸنٸڭ (باحرەين, كاتار, كۋۆەيت, باە, ومان, ساۋد ارابيياسى) اۋماعىندا مويىندالادى. سونىمەن قاتار ەكسپورت كٶلەمٸن باسقا ايماقتارعا, مەسەلەن يران, تمد, تٷركييا جەنە باسقا ەلدەرگە ۇلعايتا الامىز», - دەپ جازدى باقىت سۇلتانوۆ Facebook-پاراقشاسىندا.
ۆيتسە-پرەمەردٸڭ دەرەگٸنشە, قازاقستاندا تاماق ٶنٸمدەرٸ, توقىما, فارماتسەۆتيكا, تۇرمىستىق حيمييا جەنە كوسمەتيكا سىندى حالال ٶنٸمدەر شىعاراتىن 4 200-دەن استام ٶندٸرۋشٸ بار.
«ايتپاقشى, زەرتحانامىز ەاەو پەن ورتالىق ازيياداعى حالىقارالىق تالاپتار بويىنشا اككرەديتتەلگەن جالعىز زەرتحانا سانالادى. دەمەك بٸز حالال بويىنشا ٶڭٸرلٸك حابقا اينالۋدامىز. ازييا, ەاەو جەنە تمد ەلدەرٸنٸڭ كەسٸپكەرلەرٸ ٶز ٶنٸمدەرٸنٸڭ سەيكەستٸگٸن باعالاۋ جەنە پارسى شىعاناعى ەلدەرٸنٸڭ نارىعىنا شىعۋ ٷشٸن بٸزدٸڭ زەرتحانانى پايدالانا الادى», - دەدٸ ب.سۇلتانوۆ.
بۇدان بٶلەك, ونىڭ مەلٸمەتٸنشە, قازاقستاندا ەكسپورت كٶلەمٸن ۇلعايتۋ بويىنشا جۇمىستار اتقارىلىپ جاتىر.
«2025 جىلعا قاراي شيكٸزاتتىق ەمەس ەكسپورت كٶلەمٸن 41 ملرد دوللارعا جەتكٸزۋدٸ كٶزدەيمٸز. جىلدىڭ العاشقى ٷش ايىندا بٸرقاتار نەگٸزگٸ ساۋدا سەرٸكتەسٸمٸزبەن تاۋار اينالىمىن ەدەۋٸر ۇلعايتتىق. ەۋرووداق ەلدەرٸمەن ٶزارا ساۋدا كٶلەمٸ ٶتكەن جىلدىڭ قاڭتار-ناۋرىزىمەن سالىستىرعاندا شامامەن 55,2 پايىزعا ٶستٸ. اقش-پەن - 35,6, قىتايمەن - 25,1 پايىز. ٶسٸم شيكٸزات جەنە ٶڭدەلگەن تاۋارلاردا دا بايقالادى», - دەدٸ ٷكٸمەت باسشىسىنىڭ ورىنباسارى - ساۋدا جەنە ينتەگراتسييا مينيسترٸ.
