قازاقستان قارۋلى كٷشتەرٸندە باقىلاۋ تەكسەرۋٸ باستالدى, دەپ حابارلايدى "ۇلت اقپارات" قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ەسكەرلەردٸ تەكسەرۋ قىسقى وقۋ كەزەڭٸ اياقتالعانشا جٷرگٸزٸلەدٸ.
بيىل مەملەكەت باسشىسى قاسىم-جومارت توقاەۆتىڭ ەسكەردٸڭ جاۋىنگەرلٸك دايىندىعىن تٷبەگەيلٸ ارتتىرۋ جٶنٸندەگٸ مٸندەتتەرٸن ٸسكە اسىرۋ شەڭبەرٸندە بۇل شارا جاڭا تەرتٸپپەن ٶتٸپ جاتىر.
«باس شتابتىڭ جوسپارىنا سەيكەس, قۇرامالار مەن ەسكەري بٶلٸمدەر دابىل بويىنشا كٶتەرٸلدٸ. بٶلٸمشەلەر پراكتيكالىق وقۋ-جاۋىنگەرلٸك مٸندەتتەردٸ ورىندايتىن پوليگوندارعا تەمٸر جول كٶلٸگٸمەن, جاۋىنگەرلٸك تەحنيكامەن جەتۋدٸ جٷزەگە اسىرادى.
پوليگونداردا تاكتيكالىق, ونىڭ ٸشٸندە تٷنگٸ جاعدايدا دا وقۋ-جاتتىعۋلار مەن اتىستار ٶتەتٸن بولادى. بۇدان ٶزگە, بٶلٸمدەردٸڭ بەلگٸلەنگەن مەرزٸمدە جٷكتەلگەن تاپسىرمالاردى ورىنداۋ ٷيلەسٸمدٸلٸگٸ مەن قابٸلەتٸ, ەسكەري قىزمەتشٸلەردٸڭ وقىتىلۋى, سونداي-اق كومانديرلەردٸڭ باعىنىستى جەنە سەنٸپ تاپسىرىلعان بٶلٸمشەلەردٸ باسقارا بٸلۋٸ باعالاناتىن بولادى.
قارۋلى كٷشتەردٸڭ بارلىق قۇرامالارى مەن بٶلٸمدەرٸ, سونداي-اق ەسكەري باسقارۋ ورگاندارى تەكسەرٸلەدٸ», - دەلٸنگەن حابارلامادا.
