قازاقستان استاناسى ەكٸمدٸگٸ الاڭىنىڭ الدىندا ەل استاناسىنىڭ اتاۋىن "نۇر-سۇلتان" دەپ ٶزگەرتۋدٸ قولداۋ كونتسەرتٸ ٶتكەن. شاراعا 800-گە تارتا ادام جينالعان. بۇل تۋرالى قالا ەكٸمدٸگٸ حابارلادى.
ەكٸمدٸك حابارلاۋىنشا, جيىندا سٶز سٶيلەگەندەر "قازاقستان استاناسىنا ەلدٸڭ تۇڭعىش پرەزيدەنتٸ نۇرسۇلتان نازارباەۆتىڭ اتى بەرٸلگەنٸن قولدايتىنىن" ايتقان.
وسىعان ۇقساس شارالار تاعى بٸرنەشە قالادا – الماتى, شىمكەنت, سەمەي, تٷركٸستان, قىزىلوردا, قاراعاندى, كٶكشەتاۋ, پەتروپاۆل, اتىراۋدا ٶتكەن. باسىلىمداردىڭ جازۋىنشا, قاراعاندىدا ٶتكەن جيىنعا "ون مىڭعا جۋىق ادام قاتىسقان".
شارادان حابار تاراتقان مەملەكەتتٸك باسىلىمدار قازاقستان استاناسىن "نۇر-سۇلتان" دەپ اتاۋدى قولداعان قالا تۇرعىندارى مەن تانىمال ازاماتتاردىڭ سٶزٸن كەلتٸرەدٸ. بيلٸكتەگٸ "نۇر وتان" پارتيياسى مەن جەرگٸلٸكتٸ ەكٸمدٸك ٶكٸلدەرٸ نازارباەۆ ساياساتىن قولداي سٶيلەگەن.
قازاقستان پرەزيدەنتٸ قاسىم-جومارت توقاەۆ 23 ناۋرىز, سەنبٸ كٷنٸ استانا قالاسىن نۇر-سۇلتان دەپ اتاۋ تۋرالى جارلىققا قول قويعان بولاتىن.
