Qazaqstan astanasy ákimdigi alańynyń aldynda el astanasynyń ataýyn "Nur-sultan" dep ózgertýdi qoldaý kontserti ótken. Sharaǵa 800-ge tarta adam jinalǵan. Bul týraly qala ákimdigi habarlady.
Ákimdik habarlaýynsha, jiynda sóz sóilegender "Qazaqstan astanasyna eldiń tuńǵysh prezidenti Nursultan Nazarbaevtyń aty berilgenin qoldaitynyn" aitqan.
Osyǵan uqsas sharalar taǵy birneshe qalada – Almaty, Shymkent, Semei, Túrkistan, Qyzylorda, Qaraǵandy, Kókshetaý, Petropavl, Atyraýda ótken. Basylymdardyń jazýynsha, Qaraǵandyda ótken jiynǵa "on myńǵa jýyq adam qatysqan".
Sharadan habar taratqan memlekettik basylymdar Qazaqstan astanasyn "Nur-Sultan" dep ataýdy qoldaǵan qala turǵyndary men tanymal azamattardyń sózin keltiredi. Biliktegi "Nur Otan" partiiasy men jergilikti ákimdik ókilderi Nazarbaev saiasatyn qoldai sóilegen.
Qazaqstan prezidenti Qasym-Jomart Toqaev 23 naýryz, senbi kúni Astana qalasyn Nur-Sultan dep ataý týraly jarlyqqa qol qoiǵan bolatyn.
