مەجٸلٸستە قازاقستان مەن يران اراسىنداعى ازاماتتىق ٸستەر بويىنشا ٶزارا قۇقىقتىق كٶمەك جايلى كەلٸسٸمدٸ راتيفيكاتسييالاۋ تۋرالى زاڭ جوباسى ماقۇلداندى, دەپ حابارلايدى قازاقپارات.
«قازاقستان رەسپۋبليكاسى مەن يران يسلام رەسپۋبلكيكاسى اراسىندا ازاماتتىق ٸستەر بويىنشا ٶزارا قۇقىقتىق كٶمەك تۋرالى كەلٸسٸمدٸ بەكٸتۋدەگٸ ماقسات – ەكٸ ەل اراسىنداعى قۇقىقتىق سالاداعى ەرٸپتەستٸكتٸ كٷشەيتۋ. كەلٸسٸمدٸ راتيفيكاتسييالاۋ ارقىلى ازاماتتىق سوت ٶندٸرٸسٸ سالاسىندا ازاماتتارىمىزعا قۇقىقتىق كٶمەك بەرۋ سالاسىنا جاڭا سەرپٸن بەرٸلگەلٸ وتىر. بۇل كەلٸسٸمدٸ راتيفيكاتسييالاۋ قازاقستان رەسپۋبليكاسى مەن يران يسلام رەسپۋبليكاسى اراسىنداعى قۇقىقتىق مەسەلەلەر بويىنشا ەكٸجاقتى ىنتىماقتاستىقتى نىعايتۋعا ىقپال ەتەتٸن بولادى», - دەدٸ ەدٸلەت ۆيتسە-مينيسترٸ ناتاليا پان زاڭ جوباسىن پارلامەنت مەجٸلٸسٸندە تانىستىرا وتىرىپ.
كەلٸسٸمدە ەكٸ ەلدٸڭ قۇزىرەتتٸ ورگاندارىنىڭ ازاماتتىق ٸستەر بويىنشا ٶزارا قۇقىقتىق كٶمەك كٶرسەتۋ مەسەلەلەرٸ جٶنٸندەگٸ ٶزارا ٸس-قيمىل مەسەلەلەرٸ رەگلامەنتتەلەدٸ. قۇجاتتا كٶمەك كٶرسەتۋدەن باس تارتۋ نەگٸزدەرٸ, قۇقىقتىق اقپاراتپەن جەنە ماتەريالدارمەن الماسۋ, زاڭ اكتٸلەرٸن تانۋ جەنە ورىنداۋ شارتتارى جان-جاقتى ايقىندالعان.
سونداي-اق قۇجاتتاردى تاپسىرۋ شارتتارى, دەلەلدەمەلەردٸ جيناۋ جەنە بەرۋ, كۋەگەر مەن ساراپشىنى شاقىرۋ, سوت اكتٸلەرٸ مەن تٶرەلٸك شەشٸمدەردٸ تانۋ جەنە ورىنداۋ بەلگٸلەنگەن. ەكٸ مەملەكەتتٸڭ قۇقىقتىق كٶمەك كٶرسەتۋ رەسٸمدەرٸندە تٸكەلەي ٶزارا ٸس-قيمىل جاسايتىن قۇزىرەتتٸ ورگاندارى ايقىندالعان.
