2020 جىلدىڭ 3 ايىندا ەكسپورتتالاتىن تاۋارلارعا باعا 2 پايىز جوعارىلاپ, يمپورتتالاتىن تاۋارلار باعاسى ٶزگەرٸسسٸز قالدى. بۇل جايىندا قر ۇلتتىق ەكونوميكا مينيسترلٸگٸنٸڭ ستاتيستيكا كوميتەتٸنەن مەلٸم ەتتٸ, دەپ حابارلايدى "ۇلت اقپارات".
كوميتەتتٸڭ مەلٸمەتٸنشە, ٶتكەن كەزەڭدە ەكسپورتتىق جەتكٸزٸلٸمدەر باعاسى قارا مەتالل يلەگٸنە – 10,8, مۇنايعا – 7,5, مىرىشقا – 7,2, قورعاسىنعا – 5,1, كٶمٸرگە 3,4 پايىز تٶمەندەدٸ. تەمٸر كەندەرٸنە – 14,7, مىس كەندەرٸنە – 14,1, فەرروقورىتپالارعا– 6,6 , كاۋچۋككە – 2,9, مىسقا 2 پايىز جوعارىلادى. باعانىڭ جٷنگە 0,1 تٶمەندەۋٸ, ارپاعا – 5,7, بيدايعا 3,9 پايىز جوعارىلادى.
يمپورتتالاتىن ٶنٸمدەردەن تەمەكٸ – 9, بالىق – 7,7, كٶكٶنٸستەر – 5,2, قۇس ەتٸ – 3,4, كاكاو – 1,1, كوفە – 0,6, ٶسٸمدٸك مايى 0,5 پايىز قىمباتتاپ, شۇجىق ٶنٸمدەرٸ – 9, مارگارين – 5,3, سٷت ٶنٸمدەرٸ 2,8 پايىز ارزاندادى. باعا سٷرەككە – 5,1, سىرلار مەن لاكتارعا – 3,3, اياق كيٸمگە 0,5 پايىز تٶمەندەدٸ.
