قازاقستان فۋتبول فەدەراتسيياسى مەملەكەت ەسەبٸنەن قارجىلاندىرۋدان باس تارتتى. بۇل تۋرالى فەدەراتسييانىڭ باسپاسٶز قىزمەتٸنەن مەلٸم ەتتٸ, دەپ حابارلايدى قازاقپارات تٸلشٸسٸ.
قازاقستان فۋتبول فەدەراتسيياسىنىڭ باس حاتشىسى ازامات ايتحوجين 2022 جىلعى ەلەم چەمپيوناتىنىڭ ٸرٸكتەۋ كەزەڭٸ اياسىندا فرانتسييامەن ٶتكەن سەتسٸز ويىن ٷشٸن (8:0) كەشٸرٸم سۇرادى.
«ەڭ ەۋەلٸ قازاقستاندىق جانكٷيەرلەردەن فرانتسييامەن ويىندا سەتسٸزدٸككە ۇشىراعانىمىز ٷشٸن كەشٸرٸم سۇراعىم كەلەدٸ. ەر جەڭٸلٸستٸ بٸز جان دٷنيەمٸزدەن ٶتكەرەمٸز. نەگٸزگٸ قۇرامداعى بٸراز فۋتبولشىنىڭ بولماۋىنا بايلانىستى, پاريجدە وڭتايلى قۇراممەن ويناۋ مٷمكٸن بولمادى. بٷگٸنگٸ تاڭدا ۇلتتىق كوماندامىزدىڭ رەزەرۆتٸك قۇرامى جوق دەۋگە بولادى. كوماندا جەتەكشٸلەرٸن الماستىرعان ويىنشىلار ەلٸ حالىقارالىق دەڭگەيدە ويناۋعا دايىن ەمەس», - دەيدٸ فەدەراتسييانىڭ باس حاتشىسى.
ازامات ايتحوجيننٸڭ ايتۋىنشا, كەيٸنگٸ جىلدارى قازاقستان فۋتبولىنا 100 ملرد تەڭگەدەن استام قارجى جۇمسالعانى تۋرالى اقپارات شىندىققا جاناسپايدى.
«جۇرتشىلىقتىڭ سىنىنا كەلەتٸن بولساق, اشىق ايتايىن: بىلتىر جەنە ونىڭ الدىنداعى جىلى قازاقستان فۋتبول فەدەراتسيياسى مەملەكەتتٸك بيۋدجەتتەن 200 ميلليون تەڭگەدەن الىپ وتىردى. ول اقشا ۇلتتىق كوماندانىڭ تٷرلٸ جاستاعى قۇرامالارىنا (U17, U19, U21 ساناتى بويىنشا), Blind-Football (زاعيپ جاندارعا ارنالعان فۋتبول), ەيەلدەر, ۇلتتىق, جاعاجاي, سونداي-اق فۋتزال قۇراماسىن حالىقارالىق جارىستارعا جۇمسالدى. قايداعى ميللياردتار تۋرالى ايتىلىپ جاتىر?», - دەيدٸ فەدەراتسييا ٶكٸلٸ.
سونداي-اق, ول كەلەسٸ جىلدان باستاپ قازاقستان فۋتبول فەدەراتسيياسى مەملەكەتتٸك جەنە كۆازيمەملەكەتتٸك قۇرىلىمداردىڭ قارجىسىنان باس تارتۋ تۋرالى شەشٸم قابىلدانعانىن مەلٸمدەدٸ.
«ۇيىم ۋەفا-دان تٷسەتٸن جەنە دەمەۋشٸلەردٸڭ اقشاسىنان قارجىلاندىرىلادى. سوندىقتان, ۇلتتىق قۇرامانىڭ سەتسٸزدٸكتەرٸن ٶز جارناماسى ٷشٸن پايدالانعىسى كەلەتٸندەرگە ايتارىم بار. سٸزدەر ەڭ بولماعاندا, تٸل بەزەمەي تۇرىپ, پروبلەمانى تەرەڭ تٷسٸنٸپ الىڭىزدار, ماتەريالدىق بٶلٸكتٸ زەرتتەڭٸزدەر. ەلٸمٸزدە فۋتبول بار, بولعان جەنە بولا بەرەدٸ. بٸزدە فۋتبولمەن تىنىستايتىن ميلليونداعان ادام بار. ەرينە, ۇلتتىق فۋتبولدىڭ دەڭگەيٸن جاڭا دەڭگەيگە كٶتەرۋ ٷشٸن ۋاقىت پەن جاناشىر, جانكٷيەرلەردٸڭ قولداۋى كەرەك», - دەگەن ازامات ايتحوجين جۋىقتا ۇلتتىق قۇرامانىڭ باس جاتتىقتىرۋشىسىمەن بٸرگە جۇرتتى تولعاندىراتىن سۇراقتارعا جاۋاپ بەرۋ ٷشٸن سپورت جۋرناليستەرٸمەن كەزدەسۋ ٶتكٸزٸلەتٸنٸن جەتكٸزدٸ.
ەسكە سالساق, قاراشانىڭ 13-ٸنەن 14-ٸنە قاراعان تٷنٸ قازاقستان فۋتبولشىلارى 2022 جىلعى ەلەم چەمپيوناتىنىڭ ٸرٸكتەۋ كەزەڭٸ اياسىندا فرانتسييا قۇراماسىمەن پاريجدە كەزدەسٸپ, 8:0 ەسەبٸمەن ويسىراي ۇتىلدى. قازاقستان قۇراماسى بۇعان دەيٸن ەشبٸر ويىندا مۇنداي ٸرٸ ەسەپپەن جەڭٸلٸپ كٶرمەگەن. بۇعان دەيٸنگٸ انتيرەكورد «6:0» بولاتىن.
