قازاقستاننىڭ شەت ەلدەردەگٸ ەلشٸلٸكتەرٸنٸڭ قانداستاردان ازاماتتىق الۋعا قۇجاتتار قابىلداۋى كٶزدەلگەن ٸلكٸ جوبانى ٸسكە اسىرۋ مەسەلەسٸ پىسىقتالىپ جاتىر. بۇل جايىندا مەجٸلٸس دەپۋتاتتارىنىڭ ساۋالىنا قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى قازاقپارات.
«ەتنيكالىق قازاقتار ٷشٸن قولايلى جاعداي جاساۋ اياسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە كٶشٸ-قون پروتسەستەرٸن رەتتەۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» 2020 جىلعى 13 مامىرداعى زاڭمەن ەتنيكالىق قازاقتارعا قازاقستاندا تۇراقتى تۇرۋعا رۇقسات الۋعا جەنە ازاماتتىقتى جەڭٸلدەتٸلگەن تەرتٸپتە قابىلداۋعا بٸر مەزگٸلدە قۇجاتتار تاپسىرۋعا مٷمكٸندٸك بەرەتٸن جاڭا نورما ەنگٸزٸلگەن. بۇل قۇجاتتى قاراۋ مەرزٸمٸن 6 ايدان 3 ايعا دەيٸن قىسقارتۋعا مٷمكٸندٸك بەرەدٸ», - دەدٸ ٷكٸمەت باسشىسى.
ونىڭ اتاپ ٶتۋٸنشە, قازٸرگٸ ۋاقىتتا مٷددەلٸ مەملەكەتتٸك ورگاندار (ەحەقم, سٸم, ۇقك, ٸٸم, اقدم) مەملەكەتتٸك قىزمەتتەردٸ «بٸر تەرەزە» قاعيداتى بويىنشا كٶرسەتۋ جٶنٸندەگٸ جول كارتاسىن ٸسكە اسىرۋدا. ونداعى ٸس-شارالار قازاقستان ازاماتتىعىن الۋ رەسٸمدەرٸن وڭتايلاندىرۋعا, تيٸستٸ قۇجاتتار سانىن (46-دان 20-عا دەيٸن) جەنە ولاردى رەسٸمدەۋ مەرزٸمدەرٸن 2 ەسە قىسقارتۋعا باعىتتالعان. اتالعان «كومپوزيتتٸك» قىزمەتتەردٸ كٶرسەتۋ بويىنشا پيلوتتىق جوبا وسى جىلعى سەۋٸر ايىندا ٸسكە قوسىلادى.
«جول كارتاسى اياسىندا سىرتقى ٸستەر مينيسترلٸگٸنٸڭ شەت مەملەكەتتەردەگٸ مەكەمەلەرٸ ارقىلى «قانداس» مەرتەبەسٸن الۋ, تۇراقتى تۇرۋعا رۇقسات الۋ جەنە قازاقستان ازاماتتىعىن قابىلداۋعا قۇجاتتاردى قابىلداۋ جٶنٸندەگٸ پيلوتتىق جوبانى ٸسكە اسىرۋ مەسەلەسٸ دە پىسىقتالۋدا», - دەدٸ اسقار مامين.
