پاۆلودار مۇناي ٶڭدەۋ زاۋىتىنىڭ جٶندەۋ جۇمىستارىنا توقتاۋى ديزەل وتىنىنىڭ تەڭگەرٸمٸنە ىقپال ەتەدٸ. بۇل تۋرالى قر ەنەرگەتيكا ۆيتسە-مينيسترٸ ەسەت ماعاۋوۆ مەلٸم ەتتٸ, دەپ حابارلايدى قازاقپارات.
«بيىلعى 1 قازاننان باستاپ پاۆلودار مۇناي-حيمييا زاۋىتى جوسپارلى جٶندەۋ جۇمىستارىنا توقتايدى. بۇل جٶندەۋ نەگٸزٸنەن شٸلدەنٸڭ اياعى مەن تامىزدىڭ باسىندا جٷرگٸزٸلۋٸ كەرەك ەدٸ. بٸراق مۇناي ٶنٸمدەرٸنٸڭ قورىن قۇرۋ ٷشٸن جٶندەۋدٸ 1 قازانعا شەگەرۋ شەشٸمٸ جاسالدى. دەگەنمەن, ديزەل وتىنىن ساتىپ الۋ دەڭگەيٸ ايتارلىقتاي ٶسٸپ, وتىن قالدىقتارى 210 مىڭ توننا دەڭگەيٸندە تۇر, بۇل شامامەن 11-12 كٷنگە جەتەدٸ», - دەدٸ ماعاۋوۆ ورتالىق كوممۋنيكاتسييالار قىزمەتٸندە.
ونىڭ ايتۋىنشا, پاۆلودار زاۋىتىن توقتاتۋ ەل بويىنشا ديزەل وتىنىنىڭ تەڭگەرٸمٸنە ىقپال ەتەدٸ.
«رەسەيدەن 100 مىڭ تونناعا جۋىق ديزەل وتىنىن يمپورتتاۋ كەرەك ەكەنٸن بايقاپ وتىرمىز. وسى ورايدا ٶتكەن اپتادا رەسەي فەدەراتسيياسىنىڭ ەنەرگەتيكا مينيسترلٸگٸمەن كەلٸسسٶزدەر جٷرگٸزدٸك. ولار زاۋىتتارعا ٶزدەرٸنٸڭ نۇسقاۋىن بەردٸ», - دەدٸ ۆيتسە-مينيستر.
قازٸرگٸ ۋاقىتتا جانار-جاعار ماي ستانتسييالارىنىڭ ٸرٸ جەلٸلەرٸ رەسەي فەدەراتسيياسىنىڭ جەتكٸزۋشٸلەرٸمەن كەلٸسسٶزدەر جٷرگٸزٸپ جاتىر.
