بٷگٸن فۋتبولدان قازاقستان چەمپيوناتى بٸرٸنشٸ تۋرىنىڭ كەيٸنگە قالدىرىلعان ويىنى ٶتتٸ, دەپ حابارلايدى قازاقپارات.
بۇل ويىندا شىمكەنتتٸڭ «ورداباسى» جەنە پەتروپاۆلدىڭ «قىزىلجار» كوماندالارى كەزدەستٸ.
ەكٸ كوماندا تۋرنير كەستەسٸندە قاتارلاس كەلەدٸ. ەكەۋٸنٸڭ بٸرٸ جەڭٸسكە جەتكەن جاعدايدا تٶرتٸنشٸ ورىنعا كٶتەرٸلەتٸن ەدٸ. قارجىلىق جاعدايىنا بايلانىستى «ورداباسى» قۇرامىنان بٸرقاتار فۋتبولشىلار كوماندا اۋىستىردى. سوندىقتان شىمكەنتتٸك كلۋبتا بٷگٸن نەگٸزٸنەن جاس ويىنشىلار سانى باسىم بولدى. ال «قىزىلجار» باپكەرلەرٸ ولارعا نەگٸزگٸ قۇرامدى قارسى قويدى.
اتالعان كەزدەسۋدە «قىزىلجار» كومانداسى باسىمدىق كٶرسەتتٸ. نەتيجەسٸندە الاڭ يەلەرٸ قاقپاسىنا جاۋاپسىز بەس گول سوعىپ كەتتٸ. ولاردىڭ قاتارىنان يۋريي بۋشمان 2-مينۋتتا ەسەپ اشسا, ودان كەيٸن 9-مينۋتتا ۆالەريي كارشاكەۆيچ ەسەپتٸ ٷستەمەلەي تٷستٸ.
ەكٸنشٸ كەزەڭنٸڭ 57-مينۋتىندا داركو زوريچ مەرگەندٸك تانىتىپ, «قىزىلجاردىڭ» باسىمدىعىن ارتتىردى. ال 62-مينۋتتا «ورداباسى» ويىنشىسى الەكساندر سيمچەۆيچ اۆتوگول اۆتورى اتانسا, 79-مينۋتتا پاۆەل ياكوۆلەۆ پەتروپاۆلدىق كلۋبتىڭ بٷگٸنگٸ كەزدەسۋدەگٸ سوڭعى گولىن سوقتى.
اتالعان جەڭٸستەن كەيٸن «قىزىلجار» 29 ۇپايمەن تٶرتٸنشٸ ورىنعا كٶتەرٸلدٸ. كٶش باسىندا 42 ۇپايمەن «توبىل» كومانداسى كەلەدٸ. ودان كەيٸنگٸ ورىندارداعى «استانانىڭ» 41, «قايراتتىڭ» 37 ۇپايى بار.
قازٸر ەل بٸرٸنشٸلٸگٸندە ۇلتتىق قۇرامانىڭ الداعى ويىندارىنا بايلانىستى ازداعان ٷزٸلٸس جارييالاندى. ەندٸ 20-تۋر ويىندارى 12 قىركٷيەك كٷنٸ جالعاسادى.
