قازاقستان بيىل 180 مىڭ توننا بەنزول مەن پاراكسيلول ەكسپورتتايدى. بۇل تۋرالى بٷگٸن ٷكٸمەت ٷيٸندەگٸ باسپاسٶز مەسليحاتىندا قر ەنەرگەتيكا بٸرٸنشٸ ۆيتسە-مينيسترٸ ماحامبەت دوسمۇحامبەتوۆ ايتتى, دەپ حابارلايدى "ۇلت اقپارات".
«بيتۋم ٶندٸرۋ 702 مىڭ توننانى نەمەسە جوسپاردىڭ 103 پايىزىن قۇرادى. ٶندٸرۋ كٶلەمٸ ەلٸمٸزدٸڭ جول سالاسىنىڭ قاجەتتٸلٸگٸن تولىعىمەن قاناعاتتاندىرادى. 2019 جىلعا ارنالعان جوسپار – 767 مىڭ توننا», - دەدٸ ول.
ونىڭ دەرەگٸنشە, اتىراۋ مۇناي ٶڭدەۋ زاۋىتىندا وسى جىلدىڭ 9 ايى ٸشٸندە 107 مىڭ توننا حوش يٸستٸ كٶمٸرسۋتەك (بەنزول, پاراكسيلول) ٶندٸرٸلدٸ. اتالعان ٶنٸم ەكسپورتقا باعدارلانعان. 2019 جىلعا ارنالعان جوسپار – 180 مىڭ توننا. سونىمەن قاتار, وسى جىلدىڭ تامىز ايىندا الماتى وبلىسىندا مايلايتىن ماي ٶندٸرەتٸن زاۋىت پايدالانۋعا بەرٸلگەن. ونىڭ قۋاتى جىلىنا 100 مىڭ توننانى قۇرايدى.
«وسى ٶندٸرٸس ٸشكٸ نارىقتىڭ جاعارمايعا دەگەن قاجەتتٸلٸگٸن قامتاماسىز ەتۋگە جەنە جاقىن شەتەلگە ەكسپورتتى جٷزەگە اسىرۋعا مٷمكٸندٸك بەرەدٸ», - دەدٸ ماحامبەت دوسمۇحامبەتوۆ.
