قر پارلامەنتٸ سەناتىنىڭ جالپى وتىرىسىندا «قازاقستان مەن موڭعولييا اراسىنداعى سوتتالعان ادامداردى بەرۋ تۋرالى شارتتى راتيفيكاتسييالاۋ تۋرالى» زاڭى قابىلداندى, دەپ حابارلايدى قازاقپارات.
شارتقا 2018 جىلى ناۋرىزدا نۇر-سۇلتان قالاسىندا قول قويىلدى.
«قۇجات ەكٸ مەملەكەت اراسىندا سوتتالعان ادامداردى جازاسىن ودان ەرٸ ٶز ەل ەلٸندە ٶتەۋ ٷشٸن ولارمەن الماسۋ مٷمكٸندٸگٸمەن بايلانىستى مەسەلەلەردٸ رەتتەيدٸ. شارتپەن ادامدى بەرۋدٸڭ ناقتى جاعدايلارى قاراستىرىلعان», - دەدٸ قر باس پروكۋرورىنىڭ ورىنباسارى بولات دەمباەۆ.
اتاپ ايتقاندا, سوتتالعان ادام قابىلداۋشى تاراپتىڭ ازاماتى بولۋى تيٸس. سونىمەن قاتار, جاسالعان ەرەكەت ەكٸ جاقتىڭ زاڭى بويىنشا قىلمىس دەپ سانالۋى, ٶتەلمەگەن جازا كەمٸندە بٸر جىلدى قۇراۋى كەرەك.
بەلگٸلٸ بولعانداي, شارت تالاپتارىن ٸسكە اسىرۋ ٷشٸن ورتالىق ورگاندار ايقىندالدى. وسى ورايدا قر باس پروكۋراتۋراسى مەن موڭعولييانىڭ ەدٸلەت جەنە ٸشكٸ ٸستەر مينيسترلٸگٸنٸڭ ٶزارا ٸس-قيمىلى ەسكەرٸلگەن.
بۇدان بٶلەك, سوتتالعانداردى بەرۋدەن باس تارتۋ نەگٸزدەرٸ دە كٶزدەلگەن. مىسالى, ەل ەگەنمەندٸگٸنە, قاۋٸپسٸزدٸگٸنە, قوعامدىق تەرتٸپكە نۇقسان كەلتٸرەتٸن بولسا, ۇلتتىق زاڭنامانىڭ ٸرگەلٸ قاعيداتتارىنا قايشى كەلەدٸ.
ب. دەمباەۆتىڭ ايتۋىنشا, قازٸرگٸ تاڭدا موڭعولييادا جازاسىن ٶتەپ جاتقان قازاقستان ازاماتتارى جوق. ال ەلٸمٸزدە موڭعولييانىڭ 5 ازاماتى جازاسىن ٶتەپ جاتىر.
«وسىعان ۇقساس شارتتى ەلٸمٸز 21 مەملەكەتپەن بەكٸتكەن. جاقىندا وسىنداي قۇجاتقا ٶزبەكستان, ۆەتنام, كيپر, دومينيكان جەنە باسقا دا ەلدەرمەن قول قويۋ جوسپارلانعان», - دەدٸ باس پروكۋروردىڭ ورىنباسارى.
