بٷگٸن كٷرەس تٷرلەرٸنەن قازاقستان بٸرٸنشٸلٸگٸندە ەركٸن كٷرەستەن ٷش سالماقتىڭ جەڭٸمپازدارى انىقتالدى, دەپ حابارلايدى "ۇلت اقپارات".
اقمولا وبلىسىنان كەلگەن دەۋلەت تەمٸرجانوۆ 57 كەلٸدە قارسىلاس شاق كەلتٸرگەن جوق. دەۋلەت فينالدا قاراعاندىلىق جاۆوحير يريستاەۆتى 12:2 ەسەبٸمەن تٸزە بٷكتٸردٸ. جامبىلدىق راحات قالجان مەن شىمكەنتتٸك عابيت تٶلەپباي قولا جٷلدە يەلەندٸ.
ايتا كەتەرلٸگٸ, اتالعان سالماقتا بەلگٸلٸ بالۋان نۇريسلام ساناي 1/8 فينالدان ەرٸگە اسا العان جوق. ول وسى سالماقتا الداعى وليمپيادا جولداماسىنا يە بولعان ەدٸ.
ال 61 كەلٸدە الماتى وبلىسىنىڭ بالۋانى ادلان اسقاروۆ جەڭٸمپاز تۇعىرىنا كٶتەرٸلدٸ. ادلان اقتىق سىندا اتىراۋلىق سالامات مەلٸكوۆتەن مىقتىلىعىن تانىتتى. ٷزدٸك ٷشتٸكتٸ شىعىس قازاقستان وبلىسىنىڭ سپورتشىسى راسۋل قاليەۆ پەن قاراعاندىلىق ازات وگانيسسيان تٷيٸندەدٸ.
العاشقى جارىس كٷنٸن 86 كەلٸدەگٸ بالۋاندار قورىتىندىلادى. بۇل سالماقتا شىعىس قازاقستان وبلىسىنان كەلگەن ازامات دەۋلەتبەكوۆ التىن الدى. ەكٸنشٸ ورىن الماتى وبلىسىنىڭ سپورتشىسى ەسقالي دەۋلەتقازىعا بۇيىرسا, ماڭعىستاۋلىق نۇردەۋلەت كٶكتەۋباەۆ پەن الماتىلىق ەدٸلەت دەۋلەمباەۆ ٷزدٸك ٷشتٸكتەن كٶرٸندٸ.
ەستەرٸڭٸزگە سالا كەتەلٸك, بٷگٸن الماتى قالاسىنداعى «دوستىق» سپورت كەشەنٸندە كٷرەس تٷرلەرٸنەن قازاقستان بٸرٸنشٸلٸگٸ جالاۋىن كٶتەردٸ. جارىس 26 قاراشاعا دەيٸن جالعاسادى. ەندٸ ەركٸن كٷرەس شەبەرلەرٸ 21-22 قاراشا كٷندەرٸ قالعان سالماقتاردا سىنعا تٷسەدٸ. ال ەيەلدەر كٷرەسٸنەن 23 قاراشادا 10 قاراشادا جٷلدەلەر ساراپقا سالىنسا, گرەك-ريم كٷرەسٸنٸڭ شەبەرلەرٸ 24-26 قاراشا ارالىعىندا توعىز سالماقتا جٷلدەگە تالاسادى.
