فوتو: "قازاقستان بارىسى" رەسپۋبليكالىق تۋرنيرٸنٸڭ باسپاسٶز قىزمەتٸ
استانا قالاسىندا رەسپۋبليكا كٷنٸنە وراي, قازاق كٷرەسٸنەن ٶتٸپ جاتقان «قازاقستان بارىسى-2024» رەسپۋبليكالىق تۋرنيرٸنٸڭ فيناليستەرٸ انىقتالدى, دەپ حابارلايدى Kazinform حاا.
ناقتىراق ايتساق, جارتىلاي فينالدا شىمكەنت قالاسىنىڭ بالۋانى ەرسۇلتان مۇزاپپاروۆ ەسكەر بارىسى ەدٸل ورازباەۆتان ايلاسىن اسىرىپ, فينالعا شىقتى. ەكٸنشٸ جۇپتا جارتىلاي فينالدا اباي وبلىسىنىڭ قوس بالۋانى سايات شامشيەۆ پەن ەراسىل قاجىباەۆ سىنعا تٷسٸپ, نەتيجەسٸندە قاجىباەۆ قارسىلاسىن تازا ۇتىپ فينالعا شىقتى.
وسىلايشا 42 بالۋان باق سىناپ جاتقان تۋريردٸڭ شەشۋشٸ سىنىنا دا كەلٸپ جەتتٸ.
ەندٸ, ەرسۇلتان مۇزاپپاروۆ پەن ەراسىل قاجىباەۆ فينالدا «قازاقستان بارىسى-2024» اتاعىن ساراپقا سالادى.
بۇل تۋرنيردە وبلىستىق جارىستاردىڭ قورىتىندىسى بويىنشا ٸرٸكتەلگەن ەلٸمٸزدٸڭ ەڭ مىقتى بالۋاندارى باق سىناپ جاتىر. ولار ەلٸمٸزدٸڭ 17 وبلىسى مەن رەسپۋبليكالىق ماڭىزى بار 3 قالا استانا, الماتى جەنە شىمكەنت قالالارىنىڭ سپورتشىلارى.
اتالعان تۋرنيردٸڭ جەڭٸمپازىنا - 15 000 000 تەڭگە بەرٸلسە, 2-ورىن العان سپورتشى - 3 300 000 تەڭگەگە يەلٸك ەتەدٸ. ال 3-ورىنعا قول جەتكٸزگەن بالۋان - 1 080 000 تەڭگە كٶلەمٸندە سىياقى الادى.
سونىمەن قاتار ەر بالۋان ەر بەلدەسۋدە جەڭٸسكە جەتكەنٸ ٷشٸن تاعى 100 000 تەڭگەدەن الىپ وتىرادى.
جالپى «قازاقستان بارىسى-2024» رەسپۋبليكالىق تۋرنيردٸڭ جٷلدە قورى 27 100 000 تەڭگە.
اتالعان تۋرنيردە جەڭٸسكە جەتكەن بالۋانداردىڭ باپكەرلەرٸ دە سىياقىسىز قالمايدى. 3 720 000 تەڭگە سپورتشىلاردىڭ جاتتىقتىرۋشىلارىنا بەرٸلەدٸ.
اتالعان ٸرٸ دودا 26 قازان كٷنٸ «بارىس-ارەنا» ستاديونىندا ٶتٸپ جاتىر.
