قازاقستان The Economist جۋرنالىنىڭ ازىق-تٷلٸك قاۋٸپسٸزدٸگٸ رەيتينگٸندە ەلەمدە 32-ورىنعا يە بولدى. بۇل تۋرالى حالىققا ەسەپ بەرۋ كەزدەسۋٸندە قر اۋىل شارۋاشىلىعى مينيسترٸ ساپارحان وماروۆ ايتتى, دەپ حابارلايدى قازاقپارات.
«ٶتكەن جىلدىڭ قورىتىندىسى بويىنشا اٶك سالاسىندا بارلىق ماكروكٶرسەتكٸشتەر بويىنشا ٶسٸم بار. اۋىل شارۋاشىلىعىنىڭ جالپى ٶنٸمٸنٸڭ كٶلەمٸ 5,7 پايىزعا ۇلعايىپ, 6,3 ترلن تەڭگەگە جەتتٸ. بۇل - ەۋرازييالىق ەكونوميكالىق وداق ەلدەرٸ اراسىنداعى ەڭ ٷلكەن ٶسٸم. سونىمەن قاتار, قازاقستاندا ازىق-تٷلٸك ٶندٸرٸسٸ 4 پايىزعا ٶستٸ», - دەدٸ مينيستر.
ساپارحان وماروۆتىڭ دەرەگٸنشە, اۋىل شارۋاشىلىعىنىڭ نەگٸزگٸ كاپيتالىنا سالىنعان ينۆەستيتسييالار اعىنى 15, تاماق ٶنٸمدەرٸ ٶندٸرٸسٸنە سالىنعان ينۆەستيتسييا 13,5 پايىزعا ۇلعايدى. نەتيجەسٸندە, اٶك ينۆەستيتسييالارىنىڭ جالپى كٶلەمٸ جوسپارداعىدان 154,2 ملرد تەڭگەگە اسىپ, 677,2 ملرد تەڭگەنٸ قۇرادى.
«اٶك ٶندٸرٸسٸنٸڭ ٶسٸم كٶلەمٸ قايتا ٶڭدەلگەن اۋىل شارۋاشىلىعى ٶنٸمدەرٸ ەكسپورتىنىڭ ۇلعايۋىمەن ناقتىلاندى. ول 2019 جىلمەن سالىستىرعاندا 22 پايىزعا ٶسٸپ, 1,3 ملرد اقش دوللارىن قۇرادى. اٶك سالاسىندا جٷرگٸزٸلٸپ جاتقان ساياساتتىڭ تيٸمدٸلٸگٸن بريتاندىق The Economist جۋرنالى ٶتكٸزەتٸن ازىق-تٷلٸك قاۋٸپسٸزدٸگٸنٸڭ جاھاندىق رەيتينگٸ دە راستادى. وندا قازاقستان 2020 جىلدىڭ قورىتىندىسى بويىنشا 16 پوزيتسيياعا كٶتەرٸلٸپ, ەلەمنٸڭ 113 ەلٸنٸڭ اراسىنان 32-ورىنعا يە بولدى», - دەدٸ ساپارحان وماروۆ.
