اقوردا عيماراتىنىڭ الدىندا وتىرىپ "نازارباەۆ اتا, ەكەمدٸ قايتارىپ بەرٸڭٸزشٸ!" دەپ جىلاعان بالا تالايدىڭ كٶڭٸلٸن بوساتقانى انىق. نازارلارىڭىزعا مەسەلەنٸڭ مەن-جايىن كٸشكەنتاي اقجولدىڭ اناسىنان بٸلگەن Hola News پورتالىنىڭ سۇحباتىن ۇسىنامىز.
Hola News: شىنار, الدىمەن مەسەلەنٸڭ مەنٸن اشىپ الايىق. سٸزدٸڭ بالاڭىز نەگە ٶز ەكەسٸن قايتارۋدى پرەزيدەنتتەن سۇراپ جٷر? ونىڭ ەكەسٸ قازٸر قايدا?
شىنار قىلىشباەۆا: مەنٸڭ جولداسىم, اقجولدىڭ ەكەسٸ جارقىنبەك وتان - قىتاي حالىق رەسپۋبليكاسىنىڭ تۋماسى. الايدا سوڭعى ون جىلدا قازاقستاندا تۇرىپ, وسىندا جۇمىس جاساعان. 2016 جىلى قىتايعا كەتٸپ, سودان قايتىپ ورالعان جوق.
HN: جۇبايىڭىز قازاقستانعا قاشان كەلٸپ ەدٸ? قازاقستان ازاماتتىعىن الىپ پا ەدٸ?
ش.ق. : 2006 جىلى قازاقستانعا كٶشٸپ كەلگەن. بٸراق ىقتييارحاتپەن (ۋاقىتشا كۋەلٸك) جٷرگەن بولاتىن. 2012 جىلى بٸز وتباسىن قۇرىپ, 2013 جىلى اقجول دٷنيەگە كەلگەن. قازاقستان ازاماتتىعىن الماق بولىپ, قۇجات جيناي باستادى. بٸراق تالدىقورعانداعى كٶشٸ-قون باسقارماسى ۋاقىتشا تٸركەۋدەن شىعارىپ تاستاپ, قىتايدان سوتتالماعانى تۋرالى قاعاز الىپ كەلسٸن دەگەن تالاپ قويعان.
HN: سوندا جۇبايىڭىز قىتايعا سول قۇجاتتى الۋعا باردى ما?
ش.ق. : يە. سول قۇجاتتى الام دەپ قىتايعا بارعان. بٸراق ول جاقتا ونداي قۇجات بەرٸلمەيدٸ ەكەن. ول ەكٸ ارادا سول قۇجاتتى الام دەپ ەبدەن جٷگٸردٸ. اقىرى اياعىندا قىتاي بيلٸگٸ سول قاعازدى بەرەمٸز دەپ باسقا قۇجاتتارىن الىپ العان. سوندىقتان بٸز ونى ەكٸ جىل كٶرە الماي كەلەمٸز.
HN: سول جاقتا تۋىستارى قالعان كٸسٸلەر قىتاي-قازاقستان شەكاراسىنا بارىپ كەزدەسۋگە بولادى دەپ ايتادى. ونداي مٷمكٸندٸك بولدى ما?
ش.ق. جوق. ونداي مٷمكٸندٸك مٷلدەم بولمادى. بٸز 2016 جىلى بٸر-ەكٸ اي Wechat ارقىلى سٶيلەسٸپ جٷردٸك. بٸراق كەيٸن ول مٷلدەم حابارسىز كەتتٸ. تەك جيىرما كٷن بۇرىن عانا, ياعني شٸلدەنٸڭ اياعىندا ونىمەن قايتا بايلانىستىق.
HN: ول بٸر جىلدان استام ۋاقىت قايدا بولعان?
ش.ق. : جيىرما كٷن بۇرىن سٶيلەسكەندە, "قىتايداعى ساياسي ٷيرەنۋ لاگەرٸندە بولدىم" دەدٸ.
HN: ونى قانداي ايىپپەن ساياسي وقۋعا جٸبەرگەن? ول قىتايدا جۇمىس ٸستەپ نەمەسە مەملەكەتكە قارىزى بولدى ما?
ش.ق. : جوق. ول تەك قازاقستاندا اسپاز بولىپ جۇمىس جاساعان. قىتايدا ەشقانداي جۇمىسى دا, قارىزى دا بولماعان. ونى ٶزگە ەلدە وتباسىڭ, بالاڭ بار دەپ ايىپتاپ, "تيپتٸك ەكٸ جٷرەك" دەگەن جەلەۋمەن وتىرعىزعان ەكەن.
HN: كٷيەۋٸڭٸزدٸ وسى بٸر جارىم جىل بويى ٸزدەدٸڭٸز بە? قانداي ٸس-ەرەكەتتەر جاسادىڭىز?
ش.ق. : ەرينە, ٸزدەدٸم. قازاقستاننىڭ سىرتقى ٸستەر مينيسترلٸگٸنە, قىتاي كونسۋلدىعىنا, قوعامدىق ۇيىمدارعا ٶتٸنٸشتەر جازىپ, ارىز تاستادىم. سوڭعى جارتى جىلدا استانا مەن الماتىنىڭ اراسىندا جٷردٸم دەۋگە بولادى. سىرتقى ٸستەر مينيسترلٸگٸندە وسىنداي مەسەلەلەرمەن اينالىساتىن بٶلٸمگە تالاي باردىم. تٸپتٸ ٸشكٸ ٸستەر مينيسترٸ قالمۇحانبەت قاسىموۆتىڭ دا قابىلداۋىندا بولدىم. پايداسى تيەدٸ-اۋ دەگەن قۇزىرلى ورگانداردىڭ بارلىعىنىڭ تابالدىرىعىن توزدىردىم.
HN: ەندٸ كٸشكەنە اقجولعا كەلسەك. اقوردانىڭ الدىندا بەينەجازبا تٷسٸرۋ كٸمنٸڭ يدەياسى? جالپى بۇل بەينەجازبادان كەيٸن قانداي دا بٸر ٶزگەرٸس پايدا بولدى ما? ونىڭ پايداسى تيدٸ مە?
ش.ق. : بۇل مەنٸڭ ويىم بولاتىن. استاناعا كەزەكتٸ رەت بارىپ, ارىز تاستاماق بولعاندا, اقوردانىڭ جانىنان ٶتٸپ بارا جاتىپ تٷسٸردٸك. الدىمەن ونداعى ساقشىلارعا جاعدايىمىزدى تٷسٸندٸرٸپ, رۇقسات الدىق. قوعام كٶزقاراسى ٶزگەردٸ دەپ ويلايمىن. سەبەبٸ كٶپشٸلٸك بۇل ۆيدەونى جىلدام تاراتىپ جٸبەردٸ.
HN: وڭ پٸكٸر ايتىلعان جەردە, تەرٸس كٶزقاراستا بولىپ جاتادى. "كٸشكەنە بالانى پايدالاندى" دەپ, بۇل بەينەجازباعا سىني پٸكٸر ايتقاندار دا بار. ولارعا نە دەپ جاۋاپ بەرەر ەدٸڭٸز?
ش.ق. : شىنىمدى ايتسام, ونداي ادامداردى تٷسٸنبەيمٸن. مەن بالانى قيناعان جوقپىن. ول بارلىق سٶزدٸ ٶزٸ ايتىپ بەردٸ. سوڭعى رەت ەكەسٸن ٷش جارىم جاسىندا كٶرگەن. قازٸر جاسى بەستە. ٶزگە بالالاردىڭ ەكەلەرٸ بارىن كٶرگەندە, ونىڭ جٷرەگٸنە دە قاياۋ تٷسەدٸ عوي. تٸپتٸ وسى جاعدايلار بالامدى ەرتە ەسەيتٸپ جٸبەرگەن سيياقتى. كەيدە مەن قينالىپ جىلاعاندا, بالام بٸرگە جىلاپ, سوسىن جۇباتا باستايدى. سىني پٸكٸر جازعاندار بالاعا ەكە كەرەكتٸگٸن ۇمىتپاۋلارى كەرەك.
HN: جولداسىڭىزدىڭ ەلگە قايتىپ ورالاتىنىنا ٷمٸت بار ما?
ش.ق.: بٸزدٸڭ ٷمٸتٸمٸز ەشقاشان ٷزٸلگەن ەمەس. سوڭعى بٸر جاڭالىقتاردان سىرتقى ٸستەر مينيسترلٸگٸ 700-گە جۋىق قازاقتى قىتايدان قايتارادى دەگەندٸ ەستٸپ, سولاردىڭ اراسىندا كٷيەۋٸم بار شىعار دەپ ٷمٸتتەنەمٸن. الايدا ول ساياسي ٷيرەنۋدەن شىققالى بەرٸ, قىتاي بيلٸگٸ ساقشىلاردىڭ ەسكەري كيٸمٸن كيگٸزگەنٸن ەستٸپ, كٷدٸكتەنٸپ قالدىم. سەبەبٸ ول جاقتان مەملەكەتكە قىزمەت ٸستەگەندەردٸ شىعارمايدى عوي. قازٸر بار سەنەرٸم - قازاقستاننىڭ بيلٸگٸ. بٸزدٸڭ ديپلوماتتار جاعدايدى وڭ شەشەدٸ دەگەن ويىم بار.
HN: كٷيەۋٸڭٸزدٸڭ قايتىپ كەلۋٸنە تٸلەكتەسپٸز. الايدا الدا-جالدا باسقا جاعداي بولىپ قالسا, نە ٸستەمەك ويىڭىز بار?
ش.ق. : قازٸر قورعاۋشى جالداپ وتىرمىن. ەگەر كٷيەۋٸم وسى ايدىڭ اياعىنا دەيٸن قايتىپ كەلمەسە, حالىقارالىق ۇيىمدارعا شاعىمدانامىن. بٸزدٸڭ زاڭدى نەكەمٸزدٸڭ كٷشٸ مەن بالامىزدىڭ قۇقىعىن ەشكٸم اياققا تاپتاماۋى كەرەك.
HN: سۇقباتىڭىزعا راقمەت.
