قر ازاماتتارىن ۋكراينادان ەۆاكۋاتسييالاۋ باستالعالى بەرٸ قازاقستاننىڭ شەت ەلدەردەگٸ مەكەمەلەرٸ 553 ازاماتتىڭ شىعۋىنا كٶمەك كٶرسەتتٸ, دەپ حابارلايدى قازاقپارات.
ونىڭ ٸشٸندە:
- پولشاعا – 526 ادام;
- مولدوۆاعا – 21 ادام. مولدوۆادان رۋمىنيياعا 9 ادام شىقتى, ونىڭ ٸشٸندە 7 ادام قازاقستانعا ۇشىپ كەتتٸ, 2 ازامات بۋحارەستتەگٸ قر ەلشٸلٸگٸمەن قوناق ٷيگە ورنالاستىرىلدى;
- ماجارستانعا – 5 ادام;
- سلوۆاكيياعا – 1 ادام.
بٷگٸنگٸ تاڭدا «Air Astana» ەۋە كومپانيياسىنىڭ ٷش ەۆاكۋاتسييالىق ۇشاقتارىمەن قازاقستانعا 432 ادام قايتارىلدى.
قازٸر تٶرتٸنشٸ ەۆاكۋاتسييالىق ۇشاقتى جٸبەرۋ بويىنشا جۇمىس جٷرگٸزٸلۋدە. رەيس كاتوۆيتسە قالاسىندا (پولشا) ازاماتتاردىڭ قاجەتتٸ سانىنىڭ جينالۋىنا قاراي جٷزەگە اسىرىلادى.
قازاقستاندىق ديپلوماتتار جوعارىدا اتالعان مەملەكەتتەردٸڭ شەكاراسىنان ٶتۋدٸ, ازاماتتاردى جيناۋدى جەنە ورنالاستىرۋدى, سونداي-اق قازاقستانعا ودان ەرٸ جٶنەلتۋدٸ قامتاماسىز ەتۋدە. ايتا كەتەتٸن جەيت, وسىعان دەيٸن ۋكراينادان شىققان بٸرقاتار وتانداستار ەۋروپالىق وداق اۋماعىندا قالۋعا شەشٸم قابىلدادى.
قازٸرگٸ ۋاقىتتا كاتوۆيتسە قالاسىندا 30 قر ازاماتى بار, ۋكراينا-پولشا شەكاراسىندا 30 جولاۋشىسى بار تاعى 1 اۆتوبۋس ٶز كەزەگٸن كٷتۋدە. لۆوۆتاعى قر قۇرمەتتٸ كونسۋلدىقتىڭ جانىنداعى ەۆاكۋاتسييالىق جيناۋ نٷكتەسٸندە 9 ادام, كيەۆتەگٸ قر ەلشٸلٸگٸندە – 10 ادام, حاركوۆتا – 7 ادام بار. كيەۆتەگٸ قر ەلشٸلٸگٸ شتاتتىق رەجيمدە جۇمىسىن جالعاستىرۋدا.
«اتامەكەن» ۇكپ اقپاراتىنا سەيكەس, ۋكرايناداعى ەسكەري ەرەكەتتەر باستالعاننان كەيٸن سول ەلدٸڭ اۋماعىندا 47 جٷرگٸزۋشٸ – قر ازاماتتارى جەنە 8 جٷرگٸزۋشٸ – شەت مەملەكەتتەردٸڭ ازاماتتارى بار جالپى 55 بٸرلٸك اۆتوكٶلٸك قالىپ قالدى.
قازٸرگٸ ۋاقىتتا قر شەت ەلدەردەگٸ مەكەمەلەرٸنٸڭ تٸكەلەي كٶمەگٸمەن جەنە ارالاسۋىمەن 55 اۆتوكٶلٸك قۇرالدارىنىڭ 31-ٸ شىقتى, ونىڭ ٸشٸندە:
- رەسەيگە – 11;
- مولدوۆاعا – 8;
- پولشاعا – 12.
قالعان 24 اۆتوكٶلٸك ۋكراينا اۋماعىندا قالىپ قويدى.
قر سٸم جٷرگٸزۋشٸلەرمەن بايلانىس ورناتقان, ولاردىڭ تٸزٸمدەرٸ ٶزەكتەندٸرٸلدٸ, اۆتوكٶلٸكتٸڭ ورنالاسقان جەرٸ ناقتىلاندى. جٷك تاسىمالداۋشىلاردىڭ تۇرعان جەرٸنە بايلانىستى قر تيٸستٸ شەتەلدٸك مەكەمەلەرٸنە اۆتوكٶلٸك قۇرالدارىن ەۆاكۋاتسييالاۋ بويىنشا تاپسىرمالار بەرٸلدٸ. وسى باعىتتاعى جۇمىس جالعاسۋدا.
